Advert
Home Sashen Hausa Yunƙurin Gwamnatin jihar Katsina na samar da Asibitin koyarwa (Teaching Hospital) ya...

Yunƙurin Gwamnatin jihar Katsina na samar da Asibitin koyarwa (Teaching Hospital) ya tabbata.

Daga Abdulhadi Ahamd Bawa

Muhimmancin da Gwamnatin jihar Katsina, karkashin jagorancin Gwamna Aminu Bello Masari, taba bangaren Ilimi da Lafiya, yasa tun cikin shekarar 2016 ta fara tuntubar Ma’aikatar lafiya ta Tarayya domin samun amincewar ta wajen amfani da Asibitin da aka fi sani da ta kwararru (FMC) domin Jami’ar Umaru Musa Yar’adua ta fara gudanar da digiri a fannin likitanci, amma sai wannan bukata bata samu shiga ba a wancan lokaci.

Duk da haka, Gwamnati bata fitar da rai ba, sai ta ci gaba da tuntubar tare bada karin dalilan da za su sa wannan bukata ta sami karɓuwa.

Alhamdu lillah, a yau Talata 8/12/2020, cikin ikon Allah, wannan haka ta cimma ruwa. Domin kuwa a yau Gwamnatin Tarayya, ta hannun Ma’aikatar lafiya ta Tarayy, ta amince da a daga darajar wannan Asibiti ta kwararru (Federal Medical Center) dake Katsina ya zuwa Asibitin koyarwa ta Tarayya domin Jami’ar Umaru Musa Yar’adua tayi amfani dashi wajen gudanar da Digiri a fannin likitanci (Medicine).

Wannan amincewa, tana cikin wata yarjejeniyar fahimtar juna da kuma aiki tare da Gwamnatin ta Tarayya a bangare daya da kuma Gwamnatin Jihar Katsina a daya bangaren suka sa ma hannu.

Gwamna Aminu Bello Masari shi yasa hannu a kan wannan yarjejeniya a madadin Gwamnatin Jihar Katsina a yayin da kuma Ministan Lafiya na kasa Dr Osagie Emmanuel Ehanire yasa hannu a madadin Gwamnatin Tarayya.

Daga cikin wadanda suka halarci taron sun hada da Ministan kasa a ma’aikatar lafiya Senator Olurunimbe Mamora da Babban Sakataren Ma’aikatar lafiya ta kasa Alhaji AbdulAzeez Abdullahi Mashi da Shugaban asibitin kwararru ta Katsina Dokta Suleiman Bello Muhammad da sauran daraktocin wannan ma’aikata.

Mai ba Gwamnan Jihar Katsina Shawara a bangaren ilimi mai zurfi Bashir Muhammad Ruwan Godiya da kuma Shugaban jami’ar Umaru Musa Yar’adua Farfesa Sanusi Mamman da kuma wasu manyan jami’an Gwamnatin jiha suka rufa wa Gwamnan baya.

Akwai kuma kungiyar Dattawan jihar Katsina, a karkashin jagorancin Alhaji Aliyu Balarabe Saulawa da taka muhimmiyar rawa wajen ganin an cimma wannan burin. Sanata Mamman Abubakar Danmusa da Alhaji Nalado Yusuf Daura suna cikin Dattawan da suka halarci wannan taro.

KATSINA CITY NEWShttps://www.katsinacitynews.com
Danjuma Katsina, Dan Jarida, Manazarci, Marubuci, Mamallakin Jaridun KATSINA CITY NEWS, JARIDAR TASKAR LABARAI, THE LINKS NEWS, a karkashin Kamfanin MATASA MEDIA LINKS NIGERIAN LTD

LEAVE A REPLY

Please enter your comment!
Please enter your name here

Must Read

Gwamna Masari ya Jinjinama Yan mazan jiya, wajen bikin tunwa dasu a ranar Asabar

Maigirma Gwamna Aminu Bello Masari yayi jinjina ga 'yan mazan jiya da suka sadaukar da rayuwar su domin ganin wannan kasar bata wargaje ta...

AFCON 2021: Nijeriya ta lallasa Sudan 3-1

AFCON 2021: Nijeriya ta lallasa Sudan 3-1 Tawogar Ƙwallon Ƙafar Nijeriya, Super Eagles ta lallasa takwararta ta Sudan da 3-1 a gasar ƙwallon ƙafa ta...

It was mistake electing Buhari as President – NEF

Hakeem Baba-Ahmed, the Director, Publicity and Advocacy, Northern Elders Forum (NEF), has said that it was a big mistake done in the country by...

GOVERNOR AMINU BELLO MASARI ORDERS FOR THE REOPENING OF FILLING STATIONS, CATTLE MARKETS IN KATSINA STATE

PRESS RELEASE GOVERNOR AMINU BELLO MASARI ORDERS FOR THE REOPENING OF FILLING STATIONS, CATTLE MARKETS IN KATSINA STATE -------------------------------------------- His Excellency the Governor of Katsina State Rt....

2023: Tun ina matashi na fara sana’ar siyar da manja a Maiduguri, kasuwanci ba bako na bane -Uzor Kalu

Tsohon Gwamnan Jihar Abia, Sanata Uzor Kalu, ya bayyana yadda ya fara sana’a da yadda ya zama biloniya tun ma kafin a kafa PDP. A...