Advert
Home Sashen Hausa Yaro Bari Murna Karen ka Ya Kama Zaki....zaben exco a katsina 

Yaro Bari Murna Karen ka Ya Kama Zaki….zaben exco a katsina 

 

Daga Abdullahi I mahuta

Tsohon Dan majalisar a katsina

Bayan kammala zaben shugabannin jam’iyyar APC na matakin ‘ward’, na samu damar tattaunawa da wasu daga cikin abokai na guda biyu wadanda kuma dukkan su yanmajalisa ne.

Na farko na cikin damuwa saboda, acewar shi, an hana shi damar sanya yaran shi a cikin sababbin ‘exco’ na wards din karamar hukumar shi. Wanda rashin samun yaran shi a cikin exco, a ta shi fahimtar, zai hana ma shi damar sake cin zabe da ya ke Shirin tsayawa a 2023.

Na biyun kuma ya na ta murna da alfahari cewa shi duk yaran shi sun samu shiga cikin sababbin ‘exco’. Shi kuma, a ta shi fahimtar, wannan wani tabbaci ne na cewa ya gama samun nasara a zabe mai zuwa….

Sai na yi ma na farkon tambaya: “Amman Honourable, a lokacin da ka shigo harkar siyasa har ka tsaya takara kuma ka ci zabe a 2019, ai ka tarar da exco a wancan lokacin ko? ” Ya ce ma ni “haka ne”. Sai na tambaye shi ” to mutane nawa ne daga cikin exco na wancan lokacin wadanda kai ne ka sa sunayen su a matsayin exco?” Ya sake ba ni amsa da cewa shi bai ma taba sanin su ba sai a lokacin da ya shigo harkar siyasa a 2019. Na ce ma shi amman ka san cewa su ma exco din na wancan lokacin da su ka zabe ka, ka san da cewa wani ne daban ya rubuta sunayen su a bisa irin niyyar da ka ke da ita yanzu ko? Ya sake ce ma ni haka ne.

Sai na ce ma shi to ya aka yi ba su zabi wanda ya yi su ba, su ka zabe ka a wancan lokacin? Aboki na ya ce ma ni gaskiya shi ma abun ya ba shi mamaki, amman ya na ganin HUKUNCIN ALLAH ne kawai…

Na ce ma shi to Alhamdulillahi, tunda ka san hakan. Saboda haka Ina ba ka shawarar cewa ka saki exco ka Kama Allah.. Allah shi ke ba da mulki ga wanda ya so.

Na kalli dayan honourable din wanda ke murna cewa shi duk yaran shi sun samu shiga cikin sababbin ‘exco’, na ce ma shi kai kuma bari murna Karen ka ya kama Zaki. Domin shi exco ba amana ce da shi ba. Shi ya sa marigayi senator Kanti Bello ya taba cewa “sharrin exco ya fi na Dan Boko haram.”

Kuma ma in banda shafewar basira, yaya mutun zai sanya ran cewa zai iya kulla amana ko samun adalci daga mutumin da ka zauna ka kulla ha’inci da rashin amana da shi? Wannan tunanin na daya daga cikin abinda ke ba ni mamaki daga ‘yan siyasar mu.

KATSINA CITY NEWShttps://www.katsinacitynews.com
Danjuma Katsina, Dan Jarida, Manazarci, Marubuci, Mamallakin Jaridun KATSINA CITY NEWS, JARIDAR TASKAR LABARAI, THE LINKS NEWS, a karkashin Kamfanin MATASA MEDIA LINKS NIGERIAN LTD

LEAVE A REPLY

Please enter your comment!
Please enter your name here

Must Read

Alleged Defamation: Gov. Masari demands N10bn, apology from journalists

Gov. Aminu Masari of Katsina State has demanded the payment of N10 billion as damages from Mr. Emmanuel Ogbeche and Mr. Ochaika Ugwu, Chairman...

Biliyan Ɗari shida da Miliyan ɗari biyu da Hamsin, Tallafi daga Gwamnatin Tarayya domin ɓunƙasa Karkara da gandun Daji a jihar Katsina…..

Biliyan Ɗari shida da Miliyan ɗari biyu da Hamsin, Tallafi daga Gwamnatin Tarayya domin ɓunƙasa Karkara da gandun Daji a jihar Katsina..... A ranar Alhamis...

DIRECTOR-GENERAL INAUGURATES NYSC MEGA PRINTING PRESS

NYSC Director-General, Major General Shuaibu lbrahim today inaugurated the NYSC Mega Printing Press in Kaduna. He said the project, which was conceived almost a decade...

Shugaba Buhari Ya Miƙa Ta’aziyyarsa Ga Iyayen Hanifa, Yarinyar Da Aka Kashe A Kano.

Daga Zaharaddeen Gandu Shugaban Najeriya Muhammadu Buhari ya jinjina wa 'yan sandan Jihar Kano game da gano wanda ake zargi da kashe Hanifa Abubakar mai...