Home Sashen Hausa 'Yanbindiga sun kashe manyan jami'an 'yansanda biyu a Jigawa

‘Yanbindiga sun kashe manyan jami’an ‘yansanda biyu a Jigawa

Jigawa: ‘Yan bindiga sun kashe manyan jami’an ‘yan sanda biyu a Jihar

'Yan sandan Najeriya

Wasu miyagu sun kashe manyan jami’an ‘yan sanda biyu a Ƙaramar Hukumar Garki da ke Jihar Jigawa a arewa maso yammacin Najeriya.

Kakakin rundunar ‘yan sandan jihar, DSP Abdu Jinjiri, ya shaida wa BBC cewa lamarin ya faru ne ranar Juma’a yayin da miyagun suka yi wa jami’ansu kwanton ɓauna a wata rugar Fulani da ke yankin.

DSP Jinjiri ya ce sun yi nasarar kashe ɗaya daga cikin maharan a musayar wutar da ta biyo bayan harin.

‘Yan sandan da aka kashe sun haɗa da mai muƙamin DSP da kuma SP tare da jikkata wani mai muƙamin kurtu, a cewarsa.

Kazalika ya tabbatar cewa sun ƙaddamar da harin ne kan ‘yan bindigar sakamakon sace wata ɗalibar Jami’ar Sule Lamido da ke jihar, wadda ya ce maharan ne suka sace ta.

Ƙasa da mako ɗaya kenan maharan suka kashe ɗan sanda ɗaya yayin da suka sace ɗlibar wadda aka bayyana da suna Zainab Isa Zakari a Ƙaramar Hukumar Maigatari ranar Litinin.

“Bayan wasu bayanan sirri da muka samu, mun gano cewa akwai maɓoyar masu garkuwa da mutane a garin Kargo a Ƙaramar Hukumar Garki, waɗanda suka uzura wa Masarautar Gumel,” in ji DSP Jinjiri.

“Wannan dalilin ne ya sa ofishin ‘yan sanda na Gumel ya shirya wani samame ranar 25 ga Disamba da tsakar dare kuma suka dirar wa wurin.

“Abin baƙin ciki sai miyagun suka buɗe wa ‘yan sanda wuta daga wurin da suke ɓoye, abin da ya jawo harbe-harbe. Miyagun sun kashe mana manyan ‘yan sanda biyu da kuma raunata wani ƙarami. ‘Yan sanda ma sun kashe ɗaya daga cikin miyagun.”

A ‘yan kwanakin nan masu garkuwa da mutane na ƙara karaɗe jihohin arewa maso yamma, inda ranar Talata wasu ɗauke da makamai suka sace wani attajiri a garin Minjibir na Jihar Kano bayan sun ƙone motar ‘yan sanda.

LEAVE A REPLY

Please enter your comment!
Please enter your name here

Must Read

An yanke wa ‘yan Najeriya biyu hukuncin kisa a Ghana

An yanke wa 'yan Najeriya biyu hukuncin kisa a Ghana ‘Yan Najeriya biyu za su fuskanci da hukuncin kisa ta hanyar rataya a ƙasar Ghana...

Darakta Ashiru na goma ya warke daga ciwon da ke damun sa bayan likitoci sun tabbatar da hakan

Fitaccen darakta a masana'antar shirya fina finan Hausa ta KANNYWOOD Ashiru Na goma ya fito daga Abisiti, bayan Likitoci sun tabbatar da cewa yasamu...

Gwamnatin Kano ta Dakatar da muƙaba da Sheikh Abduljabbar

Yanzu-Yanzu: Wata kotun majistari da ke Gidan Murtala a Kano ta dakatar da gudanar da muqabala tsakanin Sheikh Abduljabbar Kabara da sauran malamai, kuma...

Restoring Sanity at Nigerian Ports with Electronic Call-up System

Restoring Sanity at Nigerian Ports with Electronic Call-up System By Danjuma katsina Since July 2016, the Nigerian Ports Authority (NPA) under the leadership of Hadiza Bala...

Ma’aikatan tarayya za su ci gaba da aiki daga gida a Najeriya

Ma'aikatan tarayya za su ci gaba da aiki daga gida a Najeriya Gwamnatin Tarayyar Najeriya ta umarci ma'aikata a mataki na 12 zuwa ƙasa da...
%d bloggers like this: