Advert
Home Sashen Hausa Yan Shi'a: Amurka ta sanya Najeriya cikin ƙasashen da ke dakile 'yancin...

Yan Shi’a: Amurka ta sanya Najeriya cikin ƙasashen da ke dakile ‘yancin yin addini

Yan Shi’a: Amurka ta sanya Najeriya cikin ƙasashen da ke dakile ‘yancin yin addini

A shekarar 2015 ne gwamnatin Najeriya ta kama shugaban mazahabar Shi'a, Sheikh Ibrahim El-zakzaky
Bayanan hoto,Amurka ta ce gwamnatin Najeriya ba ta bari a gudanar da addini yadda ya kamata

Gwamnatin Amurka ta sanya Najeriya cikin jerin kasashen da ke dakile ‘yancin gudanar addini.

Kasar ta ce Najeriya tana barazana ga masu son yin addinansu kamar yadda ya kamata.

Sakataren Harkokin Wajen Amurka, Mike Pompeo, bai bayar da dalilin sanya Najeriya a wannan jeri ba a lokacin da yake sanar da daukar matakin.

Sai dai tun da farko ma’aikatar harkokin wajen kasar ta bayyana yadda gwamnatin Najeriyar ta daure ɗaruruan mabiya darikar Shi’a.

Kazalika, ta nuna yadda a wata jihar da Musulmai suka fi yawa aka kama mutanen da suka ki yin azumin watan Ramadana.

Sauran kasashen da Amurka ta sanya cikin jerin masu dakile ‘yancin gudanar da addini su ne China da Iran da Pakistan da Myanmar da Koriya ta Arewa da Saudiyya.

Kasashen da ke cikin wannan jeri za su iya fuskantar takunkumi daga Amurka idan suka gaza inganta tsarinsu na tabbatar da ‘yancin gudanar da addini.

Waiwaye

Zakzaky
Bayanan hoto,Sheikh El-zakzaky na tsare a hannun gwamnati tun 2015

A shekarar 2015 ne gwamnatin Najeriya ta kama shugaban mazahabar Shi’a, Sheikh Ibrahim El-zakzaky, a lokacin wani samamen soji da ya yi sanadiyyar kashe mabiyansa fiye da 300 a birnin Zaria, a cewar kungiyar Amnesty International.

Sojoji sun zarge su da tare hanya da kuma yunkurin kashe shugaban rundunar sojin kasa na Najeriya.

Mabiya Shi’a sun sha musanta zargin, kuma kotu ta wanke da dama daga cikin mabiya kungiyar da aka gurfanar a gaban kuliya.

Sai dai har yanzu gwamnatin kasar na tsare da Sheikh El-zakzaky duk da umarnin da kotuna daban-daban suka bayar na sakinsa.

LEAVE A REPLY

Please enter your comment!
Please enter your name here

Must Read

MUN GANI A KASA A HUKUMAR KASROMA ~~~Cewar Alhaji Salisu Mamman CONTINENTAL

A ranar 18 ga watan Oktoba ne na shekarar 2021 wata Kungiya mai zaman kanta da ake kira "Mun Gani A Kasa" ta shirya...

Top 10 richest states in Nigeria;

Top 10 richest states in Nigeria; 1. Lagos - $33.68 billion Lagos tops the list of the top 10 richest states in Nigeria. It is also...

Tsohon Sarkin Kano Khalifa Muhammad Sanusi II da Sheikh Maƙari, Babban limamin Abuja Sun garzaya Senegal wajen bikin Mauludin Annabi S.A.W

Sarki Muhammadu Sanusi Lamido da Sheikh Makari sun shilla kasar Senegal domin halartar Maulid Annabi Muhammadu SAW. Rahotanni Cikin Hoto na Cewa Mai martaba sarkin...
%d bloggers like this: