Wasu ‘yan bindiga da suka yi garkuwa da matar da ’ya’ya mata biyu na wani malami a Kwalejin Ilimi ta Tarayya (Technical) Gusau da ke Jihar Zamfara, Dokta Abdurrazak Muazu, sun bukaci a biya su Naira miliyan 50.

Wani dan uwa mai suna Mohammed Jamilu ya shaidawa jaridar PUNCH cewa ‘yan bindigar sun kira su sun sanar da su cewa suna bukatar kudi Naira miliyan 100 amma daga baya sun rage kudin zuwa Naira miliyan 50.

“Da farko sun bukaci a ba su Naira miliyan 100 amma daga baya sun rage kudin zuwa Naira miliyan 50,” inji shi.

Jabaka, ya bayyana cewa har yanzu ana ci gaba da tattaunawa, yana mai jaddada cewa adadin ya wuce gona da iri.

“A ina za mu iya samun wannan adadin? Ya yi mana yawa. Har yanzu muna tattaunawa da ‘yan bindigar domin kubutar da mutane uku da aka kashe wadanda dukkansu mata ne,” ya kara da cewa.

Wasu ‘yan fashi da ake kyautata zaton ‘yan bindiga ne, a ranar Juma’ar da ta gabata, sun yi garkuwa da matar da ‘ya’ya mata biyu na wani malami a Kwalejin Ilimi ta Tarayya Gusau da ke Jihar Zamfara, Dakta Abdurrazak Muazu.

An yi garkuwa da matar, Binta Umar Jabaka da ’ya’yan mata biyu, Maryam Abdurrazak da Hafsat Abdurrazak a gidansu, a kauyen Mareri da ke wajen garin Gusau, babban birnin jihar da misalin karfe daya na dare a ranar Juma’a.

Wani ma’aikacin cibiyar, Mohammad Lawal, ya shaidawa jaridar PUNCH cewa, ‘yan bindigar sun shiga gidan Abdurrazak ne a kokarinsu na yin garkuwa da shi, amma ba su gan shi ba yayin da ya boye cikin silin a lokacin da ya ji motsin su.

Lawal ya ce, “’yan bindigar sun tsallake katangar inda suka shiga gidan Dr Abdurrazak domin su yi garkuwa da shi amma ya tsallake rijiya da baya.

“Sun shafe sama da awa daya suna binciken gidan suna nemansa, amma da suka kasa ganinsa, sai suka yi awon gaba da matarsa, Binta, da ‘ya’yansa mata guda biyu, Maryam da Hafsat.”

Kakakin rundunar ‘yan sandan jihar, SP Mohammed Shehu, ya tabbatar wa da jaridar PUNCH faruwar lamarin, inda ya jaddada cewa, “Rundunar ta riga ta shirya jami’anta don bin diddigin ‘yan bindigar domin kubutar da wadanda abin ya shafa.”

LEAVE A REPLY

Please enter your comment!
Please enter your name here