Advert
Home Sashen Hausa Ya Kamata 'Yancin Fadar Albarkacin Baki Ya Zama Yanada Iyaka — Firaministan...

Ya Kamata ‘Yancin Fadar Albarkacin Baki Ya Zama Yanada Iyaka — Firaministan Canada Trudeau, Ga Shugaban Kasar Faransa

Ya Kamata ‘Yancin Fadar Albarkacin Baki Ya Zama Yanada Iyaka — Firaministan Canada Trudeau, Ga Shugaban Kasar Faransa

Firaministan Canada Justin Trudeau ya ce ya kamata ‘yancin faɗar albarkacin baki ya zama “mai iyaka” sannan kuma kar ya “ci mutuncin” wata al’umma.

Kamfanin dillancin labarai na AFP ya ce Trudeau na bayyana hakan ranar Juma’a, sai dai ya ƙara da cewa za su ci gaba da kare ‘yancin mutane na bayyana ra’ayinsu.

A ‘yan kwanakin nan ne Shugaban Faransa Emmanuel Macron ya kare zanen ɓatancin da jaridar Chrlie Hebdo ta yi na Annabi Muhammadu S.A.W. da cewa ‘yancin faɗar albarkacin baki ne, abin da ya haddasa jawo ɓacin rai da kisan kusan mutum biyar.

Ƙasashe da ɗaiɗaikun Musulmai a faɗin duniya sun yi Allah-wadai da kalaman na Macron, wanda ya ce “addinin Musulunci na cikin rikici a ko’ina a duniya”.

Sai dai cikin wata hira da ya yi da gidan talabijin na Aljazeera, Macron ya ce ya fahimci cewa zanen barkwancin ya ɓata wa wasu rai amma a matsayinsa na shugaba “dole ne ya kare ‘yancin faɗar ra’ayi da na rubutu da na zan-zane”.

“A kodayaushe za mu kare ‘yancin faɗar ra’ayi amma ba maras iyaka ba,” in ji Justin Trudeau lokacin da aka tambaye shi game da ‘yancin nuna zanen ɓatancin Annabi da mujallar Charlie Hebdo ta yi.

“Dole ne mu riƙa girmama sauran mutane kuma kar mu yi ƙoƙarin ɓata ran waɗanda muke zaune tare da su a mahalli ɗaya ko duniya ɗaya.

“Misali, ba mu da ‘yancin da za mu yi ihu a gidan kallo cike da jama’a cewa gobara-gobara, a kodayaushe akwai iyaka.”

Yayin da yake nisanta kansa daga matsayin da Emmanuel Macron ke kai, Trudeau ya buƙaci a riƙa yin taka-tsantsan wurin bayyana ra’ayi.

LEAVE A REPLY

Please enter your comment!
Please enter your name here

Must Read

BALA ABU MUSAWA NE ZABINMU ~~~Gamayyar Kungiyoyin Goyon Bayan APC na Shiyyar Daura

Daga Bishir Mamman @ katsina city news Kungiyar wadanda suke da wakilci a kananan hukumomin yankin sanatan Daura, karkashin shugabancin Sani Abdurrahman da mataimakiyarsa Hadiza Mamman. Suna...

POLICE ARREST SEVEN FOR KIDNAP, INFORMANTS.AND SUPPLY OF FUEL

Hassan Male @ Katsina city news The Katsina State Police Command had on the 18/9/2021 succeeded in arresting one Lawal Shu’aibu ‘m’ aged 32 years of...

ARREST OF SUPPLIERS OF FUEL TO BANDITS

On the 18/9/2021 based on credibleintelligence, the command succeeded in arresting (1) Lawal Shu'aibu 'm' aged 32 years of Maradi, Niger Republic. Conveying fuel...

SHARHIN: Katsina City News ZABEN SHUGABANNIN APC A KATSINA

SHARHIN: Katsina City News ZABEN SHUGABANNIN APC A KATSINA ...A tabbatar Da An Yi Adalci *Jinjina Ga Gwamnan Katsina Da Alhaji Muntari Lawal @Katsina City News Ranar Asabar 2...
%d bloggers like this: