Advert
Home Sashen Hausa TIRKASHI: Yan sandan Katsina sun cafke wasu tubabbun Yan ta'addan da suke...

TIRKASHI: Yan sandan Katsina sun cafke wasu tubabbun Yan ta’addan da suke sojan gona

 

Hassan Male Kankara

@ katsina city news

Rundunar Yansandan Jahar Katsina ta samu nasarar kama wasu rukakkun masu satar shanu, gami da kwato shanu guda biyu da suka sace.

Kakakin Rundunar Yansanda na Jahar SP Gambo Isah ya gabatar da masu laifin ga Manema Labaru a madadin Kwamishinan Yansandan Jahar CP Sanusi Buba.

Acewar SP Gambo Isah, a kokarin da Rundunar take yi na magance ta’addanci da masu aikatashi a Jahar, ta samu nasarar kama wasu masu laifi daban-daban da suka hada da; Tubabbun Yan bindiga dadi Wanda suke bayyana kansu a matsayin Manyan Jami’an Gwamnati tare da aikata Fashi da Makami da sace Shanu, da Kuma da masu Garkuwa da mutane da sauran Yan ta’adda.

Kakakin Rundunar Yansandan ya bayyana cewa biyo samun bayanan sirri, Jami’an Rundunar da aka hada da ‘Operation Sharan Daji’ sun kama wani Muntari Yusuf Mai shekaru 40 dake Kauyen Lugge, Wanda ya kasance rikakken barawon Shanu ne dauke shanu guda 3 na sata.

SP Gambo Isah yace a yayin gudanar da bincike ya tabbatar dacewa, Yana aiki da wata tawagar wani Kasurgumin barawo Mai suna Sani Muhudinge dake Daji, inda ya tura shi ya kai shanun ga wani Mallam Bello a Kauyen Dan Bafashi domin sayarwa a Kasuwar Runka.

Ya kara dacewa, Muhudinge ya kasance sau hudu yana turashi sayar da shanun a Kasuwar Gusami ta Jahar Zamfara.

Kakakin Rundunar Yansandan yace, Rundunar Yansandan ta kama wani tubabbun Yan ta’adda da suka hada da Abdullahi Mai-Rafi Mai Shekaru 43 dake Kofar Marusa, da Kuma Abbas Haruna da akafi sani da Dogo-Abbas dake Filin Polo, da Usman Hassan wanda akafi sani da Manu a Kauyen Ganuwa ta Karamar Hukumar Charanchi, wanda sukace suna aikin hadin gwuiwa da Gwamnatin Jaha da Hukumomin tsaro.

“Wadannan Yan ta’adda sunje da wata mota kirar Camry gami da farmakar wani Makiyaye Alhaji Gide Sulaiman, dake Karamar Hukumar Malumfashi a lokacin da yake kiwo, inda suka ce daga Ofishin Mai baiwa Gwamna Shawara na Musamman akan tsaro, tare da tuhumar karya cewa wani yaronsa Sa’idu ya yiwa wani Lawal Fashin shanu, Kuma sai ya fito dashi ko ya biya Shanu 100”

“Bayan an cigaba da tattaunawa, sun samu nasarar tafiya da shanu 20 na Alhaji Gide Sulaiman da darajar su takai Naira Miliyan 7, 550, 000:00 da manufar daukar diyya akan Shanun da yaron shi ya sata. Sun kuma cuce shi Naira Dubu 40,000:00 da tafiya da wayoyi 4 bayan sun duba jikin shi” Inji SP Gambo Isah

Kakakin Rundunar ya kara dacewa, sun kuma taba dawo wa domin kara cutar shi wasu shanun, amma sai yayi saurin sanar da Yansanda, inda aka kamasu, tare da gano shanu guda biyu da suka saida a matsayin shaida.

“Daya daga cikin Yan ta’addan Abdullahi Mai-Rafi ya kasance Kasurgumin Dan ta’adda ne amma ya tuba, inda a yanzu yana aiki da Gwamnatin Jaha Karkashin ofishin Mai baiwa Gwamna Shawara akan tsaro”inji Kakakin Rundunar Yansanda

KATSINA CITY NEWShttps://www.katsinacitynews.com
Danjuma Katsina, Dan Jarida, Manazarci, Marubuci, Mamallakin Jaridun KATSINA CITY NEWS, JARIDAR TASKAR LABARAI, THE LINKS NEWS, a karkashin Kamfanin MATASA MEDIA LINKS NIGERIAN LTD

LEAVE A REPLY

Please enter your comment!
Please enter your name here

Must Read

Jam’iyyar PDP a Katsina ta sanar da kuɗin form ɗin takarar shugabannin ƙananan hukumomi da kansiloli a zaɓe mai zuwa

Jam'iyyar PDP a Katsina ta sanar da kuɗin form ɗin takarar shugabannin ƙananan hukumomi da kansiloli a zaɓe mai zuwa Babbar jam'iyyar adawa a jihar...

Aisha Buhari Ta Naɗa Kashim Shettima A Matsayin Shugaban Kwamitin Amintattu Na Kwalejin Future Assured

Uwargidan Shugaban Ƙasa, Aisha Buhari, ta naɗa Kashim Shettima, tsohon gwamnan Jihar Borno, a matsayin shugaban kwamitin amintattu na Kwalejin Future Assured da ke...

WHICH PARTS OF NIGERIA ATTRACTED MORE FOREIGN INVESTMENTS IN THE YEAR 2021?

https://www.facebook.com/101788642037662/posts/262020019347856/

AGAIN, A NEW ADDITION TO NIGERIA’S MARITIME SECURITY VESSELS!

https://www.facebook.com/101788642037662/posts/261866049363253/

Jami’an Hukumar yaƙi da yima Tattalin Arzikin ƙasa Ta’annuti ta ICPC sunyi Dirar Mikiya jihar Katsina….

Jami'an Hukumar sun gano yadda akayi Haɗin baki da Ɗan Majalisar Wakilai da kuma Mai duba ƙwangila aka sace kuɗin ƙwangilar Naira Milyan Talatin...