Home Sashen Hausa Shugaban jam’iyyar PDP na jihar katsina ya karɓi ‘yan jami’iyyar APC a...

Shugaban jam’iyyar PDP na jihar katsina ya karɓi ‘yan jami’iyyar APC a malumfashi

Jami'iyyar PDP ta samu ƙaruwa

MAJIGIRI YA KARƁI ‘YAN JAMI’IYYAR APC ZUWA PDP A MALUMFASHI.

Daga Comrade Mai Iyali

Da safiyar yau Talata jam’iyyar PDP ta karamar hukumar Malumfashi ta yi gangamin amsar Hon.Lawal Yusuf Gangarawa Babban jigo a jam’iyyar APC ta jihar Katsina hade da dubbin magoya bayan shi 2800, Taron wanda aka gudanar a ofishin jam’iyyar PDP na karamar hukumar Malumfashi, Taron ya sami halartar ďimbin al’umma daga Sassa daban- daban na jihar katsina

Shugaban jam’iyyar PDP na shiyyar funtua Hon. Adamu ilyasu Sabuwar kasa ya bayyana shigowar Hon. Lawal Yusuf cikin jam’iyyar PDP a matsayin wata babban nasara ga jam’iyyar, kasancewar sa jajirtacce mutum kuma mai kishin ci gaban al’umma. Kuma ya tabbatar da cewa jam’iyyar ta amshi Hon. Lawal Yusuf da hannu bibiyu ba tare da nuna masa wata wariya ba.

Hon. Lawal Yusuf ya bayyana cewa abin da ya ja hankalinsa har ya yanke shawarar shigowa jam’iyyar PDP shi ne, ganin ýaýan jam’iyyar PDP suna da aķidar taimakon talaka da kuma tausayi da son cigaban al’umma, Sannan Kuma ya yi alkawarin ba da duk kan gudunmuwa don samun nasarar PDP.

Shugaban jam’iyyar PDP na jihar Katsina Hon. Salisu Yusuf Majigiri (Garkuwan Gabas Katsina) shi ne ya miķa katin jam’iyyar PDP ga Hon. Lawal Yusuf amadadin Shugaban mazabar shi, bayan nan ya bayyyana cewa wannan shigowa tashi a PDP Babban nasara ga jam’iyyar PDP kasan cewar shi jajirtacce ne mai son temakon al’umma, Bayan nan Hon. Salisu Majigiri Yace yai tunanin koda yazo malumfashi zai tadda garin mulumfashin yasamu cigaba mai tarin yawa kasan cewar mazabar majalissar tarayya ta Gwamnan katsina na yanzu Hon. Aminu Bello Masari,

Saidai kash yazo ya ganta ba yadda yai tunani ba karshe yace wannan nasara da jam’iyyar PDP take samu a garin mulumfashi wanda cikin Sati guda sun karbi sama da mutum 5000 duk acikin wannan karamar hukuma ta mulumfashi wannan bai rasa nasaba da kyankyawan shugabanci da keda kwai a karamar hukumai da jiha baki daya, Sannan kuma yatabbatar da cewa za su bai wa Hon. Lawal Yusuf duk wata dama da ake ba ýaýan jam’iyyar PDP, kuma za su yi tafiya tare da shi kafaďa da kafaďa don ķara bunķasa jam’iyyar PDP a karamar hukumar Malumfashi da jihar Katsina baki ďaya.

Manyan baķin da suka halarci taron sun hada Matemakin Ciyaman na jiha Hon. Salisu Lawal Uli, Shugaban matasa na jiha Hon. Dahiru Dambo ingawa, Sakataran kudi na jiha Abu lawal kankara, Mai binciken kudi na jiha Alh.Yusuf Abubakar fele, Alhaji Hadi Mai dawa Elder, Hon. Muntari Ibrahim, Tsohon Dan takarar Majalissar Tarayya Kafur/Malumfashi Hon. Murtala Shehu, Alhaji Yakubu Wada, Alhaji Muntari dadai sauron su, An yi taro lafiya kuma an tashi lafiya.

NO COMMENTS

LEAVE A REPLY

Please enter your comment!
Please enter your name here

%d bloggers like this: