Advert
Home Sashen Hausa SHARI'O'IN IBRAHIM SHEMA SUN DAUKI SABON SALO

SHARI’O’IN IBRAHIM SHEMA SUN DAUKI SABON SALO

_*AN CIRE MAKANA DA SAFANA_
_*AN DAUKE ALKALIYAR KOTU_

@Katsina City News

Shari’o’i guda biyu da ke gaban manyan kotuna a Katsina da ake yi tsakanin Hukumar EFCC da kuma tsohon Gwamnan Katsina, Alhaji Ibrahim Shehu Shema, sun dauki sabon salo.

Shari’a ta farko da ake yi a babbar kotun Jihar Katsina a kan kudaden Kananan Hukumomi, wadda ta kai matsayin gab da kammala kawo shaidu, sai Allah ya yi wa Alkalin rasuwa.

Da aka canza mata Alkali, aka sake sabon zama, wadda za ta fara daga farko ke nan.

Sai Hukumar EFCC suka fitar da Kwamishinan Kananan Hukumomi, Alhaji Sani Makana, wanda ake tuhuma na uku da kuma Sakataren Ma’aikatar Kananan Hukumomin Katsina ta lokacin, Alhaji Lawal Rufa’i Safana, wanda ake tuhuma na hudu.

A zaman farko Lauyan EFCC ya bayyana cewa suna bukatar a fitar da su biyun ne domin bincikensu ya tabbatar masu da cewa ba inda suka aikata ba daidai ba. Don haka ba su da laifin da za su tsaya a gaban shari’a don a tabbatar da shi. A haka aka dage zuwa zama na gaba.

A zaman da kotun ta yi karshen watan Yuli da ya gabata, Alkalin ya amince da bukatar Lauyan EFCC masu shigar da kara.

A wannan zaman aka fitar da su Lawal Rufa’i Safana da Sani Hamisu Makana daga zargin aikata ba daidai ba, kuma aka sallame su.

A ranar aka sake sabuwar tuhuma da karanta wa wanda ake zargi na farko da kuma na biyu; Alhaji Ibrahim Shema da kuma Alhaji Ibrahim Lawal Dankaba.

Bayan karanta masu tuhume-tuhumen an daga shari’ar ar zuwa tsakiyar watan Satumba 2021.

Wata majiya a Hukumar EFCC ta ce tun farkon binciken a 2015 zuwa 2016, Lauyoyin EFCC suka ba gwamnatin Katsina shawara a kan kar a saka Lawal Rufa’i Safana cikin tuhumar, saboda duk wata ka’ida ta aiki sai da ya cika ta a takardun da ke gabansu, amma ana zargin wani mai fada aji a gwamnatin Katsina ne ya dage sai an makala shi. Bayan shekaru yanzu kuma an dawo an cire shi.

A shari’ar da ake yi a babbar Kotun Tarayya da ke Katsina, ita ma Hukumar EFCC na gab da kammala ba da shaidu, sai aka dauke Alkaliyar zuwa Kaduna.

Hukumar EFCC na neman a ci gaba da shari’ar a Katsina, wacce za ta koma sabuwa fil ke nan, su kuma Lauyoyin Shema na neman a ci gaba a Kaduna tun da ta kusa zuwa karshe, saura shaidu biyu kacal suka rage a saurari jawabin Lauyoyi da yanke hukunci.

Ana sauraren inda za ta kaya. Karasa ta za a yi a Katsina, ko fara ta sabuwa a Kaduna?

@Katsina City News
www.katsinacitynews.com
Jaridar Taskar Labarai
www.jaridartaskarlabarai.com
The Links News
www.thelinksnews.com
07043777779.08137777246
katsinaoffice@yahoo.com

KATSINA CITY NEWShttps://www.katsinacitynews.com
Danjuma Katsina, Dan Jarida, Manazarci, Marubuci, Mamallakin Jaridun KATSINA CITY NEWS, JARIDAR TASKAR LABARAI, THE LINKS NEWS, a karkashin Kamfanin MATASA MEDIA LINKS NIGERIAN LTD

LEAVE A REPLY

Please enter your comment!
Please enter your name here

Must Read

Likitocin ƙwaƙwalwa da dama na barin Nijeriya, Malamin jami’a ya yi gargaɗi

Farfesa ilimin ƙwaƙwalwa, Farfesa Taiwo Sheikh ya ce ɓangaren likitocin ƙwaƙwalwa shi ne ya fi samun naƙasu a ɓangaren ƙarancin likitoci da ke faruwa...

Gwamnatin Kano ta rufe makarantar da a ka binne Hanifah

YANZU-YANZU: Gwamnatin Kano ta rufe makarantar da a ka binne Hanifah Gwamnatin Nijar Kano ta bada umarnin rufe Noble Kids Academy, makarantar kuɗi da ke...

Kwazo Tunani da Hangen nesa yasa mukaga dacewar ya zama Gwamnan jihar Katsina.  -Alliance for Democracy and Purposeful Leadership- ga Sanata Sadiq Yar’Adua

Kwazo Tunani da Hangen nesa yasa mukaga dacewar ya zama Gwamnan jihar Katsina.  -Alliance for Democracy and Purposeful Leadership- ga Sanata Sadiq Yar'Adua A ranar...

Ƴan Bindiga Sun Kai Hari a wani Sansanin Soji dake Shimfiɗa, ƙaramar Hukumar Jibiya ta jihar Katsina

Ƴan Bindiga Sun Kai Hari A Sansanin Soji A Katsina ’Yan bindiga sun kashe wani soja da wani jami’in Rundunar Tsaro ta Sibil Difens (NSCDC)...

PHOTO NEWS: President Muhammadu Buhari(GCFR ),has commissioned the newly remodelled Murtala Muhammad Square

President Muhammadu Buhari(GCFR ),has commissioned the newly remodelled Murtala Muhammad Square. #PMBinKaduna #KadunaUrbanRenewal