Advert
Home Sashen Hausa SHARI'AR MAHADI; YAU KOTU TA ZAUNA

SHARI’AR MAHADI; YAU KOTU TA ZAUNA

SHARI’AR MAHADI; YAU KOTU TA ZAUNA

Ahmad Muhammad
@ katsina city news

A yau Litinin 16/11/2020 aka ci gaba da zaman sauraron shari’ar Alhaji Mahadi Shehu, dan Katsina mazaunin Kaduna da ke kwarmata zarge-zarge a kan gwamnatin Jihar Katsina da wasu mukarrabanta.

A zaman na yau, Lauyan gwamnatin Jihar Katsina, Barista Anest Obadineke, ya ba da hujjoji a takardu masu shafuka 16 cewa, kotun na da hurumin sauraren karar da suka shigar a kan Alhaji Mahadi Shehu.

Lauyan wanda ake zargi, Barista Anjob, ya bayyana cewa, tunda yanzu suka karbi hujjojin da Barista Obadineke ya bayar, suna bukatar lokaci su yi nazarinsu, kuma su ba da amsa a kai.

A kan haka Alkalin kotun ta Majisirate I, Mai Shari’a Abdu Ladan, ya dage zaman kotun zuwa ranar Talata 8 ga watan Disamba na wannan shekarar domin ci gaba da sauraren hujjojin Lauyoyin Mahadi a kan cewa kotun ba ta da hurumin sauraron karar da aka shigar.

Gwamnatin Jihar Katsina ce ta hannun Kwamishinan Shari’a na Jihar, Barista Ahmad Elmarzuq ce ta shigar da kara a kotun a kan Mahadi Shehu bisa zargin yana kokarin tunzura jama’ar Katsina su kyamaci gwamnati, kuma suna zargin ya mallaki wasu takardun bogi a kan gwamnatin ta Katsina.

A zaman farko na wannnan shari’ar, Lauyoyin Mahadi sun yi korafin cewa kotun ba ta da hurumin sauraren wannan shari’ar, kuma suka nemi a dakatar da duk wani yunkurin kama wanda ake zargin wato Mahadi Shehu.

A zaman yau Lauyan da ke wakiltar gwamnatin Katsina, ya kawo hujjojinsa a rubuce na cewa kotu na da hurumi. Ya ce a zama na gaba za a ji hujjojin Lauyoyin Mahadi Shehu, sai Alkali ya dau matsaya bisa hujjar da ya gamsu da ita, sai ya yanke hukunci a kai.
________________________________________________
Katsina City News na bisa yanar gizo na www.katsinacitynews.com. Kuma page Katsina City News, kana kuma iya zama memba na group din Katsina City News duk a Facebook.
Muna a kan Twitter, You tube da Instagram.
Duk sako a aika ga 07043777779

KATSINA CITY NEWShttps://www.katsinacitynews.com
Danjuma Katsina, Dan Jarida, Manazarci, Marubuci, Mamallakin Jaridun KATSINA CITY NEWS, JARIDAR TASKAR LABARAI, THE LINKS NEWS, a karkashin Kamfanin MATASA MEDIA LINKS NIGERIAN LTD

LEAVE A REPLY

Please enter your comment!
Please enter your name here

Must Read

Gwamna Masari Ya Nada Talatu Nasir Mamba A Hukumar Gudanarwa Ta CSDP

Gwamnan Jihar Katsina Alhaji Aminu Bello Masari,ya amince da nadin Hajiya Talatu Nasir a matsayin Mamba a Hukumar Gudanarwar Hukumar Kula Da Inganta Rayuwa...

YANZU-YANZU: Darakta-Janar na Inuwar Gwamnonin APC ya ajiye muƙamin sa

Darakta-Janar na Inuwar Gwamnonin APC, Salihu Lukman ya ajiye muƙamin sa. Jaridar Vanguard ta rawaito cewa ajiye muƙamin na sa na da nasaba da rikicin...

THE M.K.O. ABIOLA NATIONAL STADIUM IN ABUJA HAS BEEN SUCCESSFULLY REHABILITATED!

https://www.facebook.com/101788642037662/posts/257296063153585/

RASHIN TSARO: Attajiri Aminu Dantata ya fashe da kuka…

Matsalar Tsaro A Arewacin Najeriya Ta Yi Silar Zubar Da Hawayen Aminu Dantata Yayin Gudanar Da Taro Hamshaƙin ɗan kasuwar nan Alhaji Aminu Alhassan Dantata...

Har yanzu: Gwamna Masari na Alhinin Rasuwars Kwamishinan Kimiyya Rabe Nasir

Gwamna Aminu Bello Masari ya kara bayyana rasuwar Dokta Rabe Nasir a matsayin babban rashi duba da yadda yake da jajircewa tare da sadaukarwa...