Advert
Home Sashen Hausa Sharhin Taskar Labarai JAM'IYYAR APC A MATAKIN SIRADI 

Sharhin Taskar Labarai JAM’IYYAR APC A MATAKIN SIRADI 

Sharhin Taskar Labarai

JAM’IYYAR APC A MATAKIN SIRADI 

Daga Abdurrahman Aliyu

@ www.jaridartaskarlabarai.com

Hausawa na kallon siradi a matsayin dayan biyu, ko dai a tsallake lafiya ko kuma akasin haka. Tabbatuwar tsallakewarka lafiya shi ne kyawawan aiki da yin abu bisa daidai gwargwadon yadda aka shardanta.

Irin wannan matakin shi ne jam’iyyar APC a Jihar Katsina take a halin yanzu, na fuskantar zaben jagororin jiha musamman wanda zai shugabanceta.

A zabukan da suka gabata a baya na gundumomi da ƙananan hukumomi a jihar Katsina an ga yadda kwamitin shirya wannan zabe suka yi adalci wajen fitar da tsarin shugabancin a dukkan matakan.

Yanzu jam’iyyar ta zo wani yanayi da ya kamata a tallafeta kar ta durkushe, domin jagoranci na daya daga cikin hanyoyin da ka iya sa a nemi Jam’iyyar a rasa ta fada a kasan siradi.

Wannan Jaridar na ganin cewa adalci shi kadai ne hanyar da za a iya bi domin tallafar jam’iyyar a jihar Katsina. Sanin kowa ne cewa gwamnan jihar Katsina Rt. Hon Aminu Bello Masari mutum ne da ya tsayu wajen ganin an yi adalci a matakin jam’iyyar shi ya sanya ma ya bayar da shugaban kwamiti wanda zai iya yin tsayin daka wajen ganin ba a yi abinda ya saba doka ba a wajen zaben shugabannin jam’iyyar a matakai daban-daban.

Ya zuwa yanzu mutane masu zawarcin jam’iyyar a matakai mabambanta ana ta ganinsu da jin duriyarsu, kuma an san wadanda za su iya yi wa jam’iyyar adalci wadanda ke tare da mutane kuma mutane ke mararinsu.

A jihar Katsina kallo ne ya koma sama domin duk sauran jihohi sun sanya Ido suga ya za ta kaya a jihar, kuma suna kallon jihar a matsayin wani dan ba na tallafar jam’iyyar a matakin kasa, domin nan ne jihar shugaban kasa kuma nan ake sa ran za a samu adalci wajen fitar da shugaban jam’iyya da wadanda za su jagorance ta.

A rubutu na gaba zamu kawo maku sharhin gudumuwar da wasu jagororin da ke akai suka bayar na cigaba ko akasin haka ga jam’iyyar ta APC a tsawon lokacin da suka share a bisa karagar jagoranci.

Abdurrahman Aliyu.Dalibi ne mai karatun digri na ukku.kuma yana cikin editocin jaridar taskar labarai.

LEAVE A REPLY

Please enter your comment!
Please enter your name here

Must Read

ADMISSION FORM IS AVAILABLE @ SILICON HEIGHT INTERNATIONAL COLLEGE KATSINA.

SILICON HEIGHT INTERNATIONAL, SCHOOL WISHES TO INFORM THE GENERAL PUBLIC THAT,THE SALE OF FORMS INTO NURSERY, PRIMARY AND SECONDARY IS STILL ONGOING. THE SCHOOL...

Gwamna Aminu Bello Masari ya buɗe taron shuwagabannin Majalisun jihohin Najeriya a Katsina…

Mai girma Gwamnan Jihar Katsina ya bude taron shugabannin majalisun Dokokin Jihohin Najeriya (36) a kwata na uku, da Jihar ta dauki bakunci. Taron da...

Jihar Katsina ta amshi bakuncin Kakakin majalisun Dokokin Jihohin kasar (36).

A cikin shirye, shiryen gudanar da Babban taron Kungiyar wanda ta sabayi lokaci bayan lokaci, domin tattauna al'amurran da suka shafi kasa. Taken taron na...
%d bloggers like this: