Mikel Obi ya yi ritaya da ga ƙwallon ƙafa

Tsohon kyaftin din tawogar ƙwallon ƙafa ta ƙasa, Super Eagles, John Obi Mikel ya sanar da yin ritaya daga buga kwallo bayan ya shafe shekaru 20.

Obi ya bayyana ritayarsa a yau Talata a shafinsa na sada zumunta.

Ya yi ritaya yana da shekaru 35, bayan ya lashe kyautuka da dama ya lashe a ƙungiyoyin ƙwallon ƙafa da kuma Super Eagles, ciki har da gasar cin kofin duniya, da gasar zakarun Turai, da sauransu.

Mikel ya fara ƙwallon ƙafa ne a wata kungiya mai suna Plateau United, kafin ya koma kulob din Lyn Oslo na Norway yana da shekara 17 a shekara ta 2004.

Dan wasan ya koma kungiyar Chelsea ta Ingila cikin wani yanayi mai cike da cece-kuce bayan da Manchester United ta ce ta riga ta saye shi.