Arsenal ta amince ta kulla yarjejeniya da dan wasan gaba na gefe na Ukraine Mykhaylo Mudryk, tare da aniyar Gunners ta siyan dan wasan Shakhtar Donetsk, in ji The Sun. Fagenwasanni.com ta rahoto.
Mahukuntan filin wasa na Emirates sun yi ta neman wanda zai maye gurbin Nicolas Pepe bayan dan wasan na Ivory Coast ya tafi aro zuwa Nice.
Sun bayar da rahoton cewa kocin Gunners Mikel Arteta yana ganin Mudryk a matsayin mafi kyawun wanda zai iya maye gurbinsa don samar da gasa ga ’yan wasa na yanzu a jerin yan gaban Arsenal.
Dan jaridar Italiya Rudi Galetti ya bayyana musamman cewa kungiyar na neman kulla yarjejeniyar fan miliyan 21 don siyan dan gaban kasuwar saye da sayar da ‘yan wasa ta kare cikin kwana daya.
Dan jaridar, ta hanyar The Sun, ya kuma lura cewa Gunners na da kwarin gwiwar cewa za a iya kulla yarjejeniya kafin a rufe kasuwar musayar ‘yan wasa a daren ranar Alhamis.
A cewar Nicolo Schira, kamar yadda The Sun ta ambata, an riga an kammala sharuÉ—É—an sirri, kuma Mudryk zai kasance kan yarjejeniyar shekaru biyar idan ya tafi.
Brentford musamman sun sa ido kan dan gaban a watan Janairu.
Mudryk ya ji dadin taka rawar gani a kakar wasan da ta wuce, wanda ya sa sunansa ya haskaka a idon manyan kungiyoyin Turai, kuma zai yi fatan ci gaba da nuna irin wannan hazakar a wannan kakar.
