Sanata Saidu Umar Kumo ya rasu

Sanata Saidu Umar Kumo
Sanata Sa’idu Umar Kumo Gombe State

Allah Ya yi wa Sanata Saidu Umar Kumo rasuwa da safiyar yau Lahadi, 27 ga watan Disamban 2020.

Tsohon sanatan wanda ya wakilci mazabar Jihar Gombe ta Tsakiya, ya rasu ne a Asibitin Ƙasa da ke Abuja, babban birnin Najeriya.

Kafin rasuwarsa, shi ne Garkuwan Gombe. Ya riƙe shugaban kamfe ɗin Alhaji Atiku Abubakar a shiyyar arewa maso gabas a zaɓen shugaban ƙasa na 2019.

Sai dai Sanata Kumo ya koma jam’iyyar APC mai mulki a watan Janairun 2019 kafin a shiga zaɓen da Muhammadu Buhari ya lashe a watan Fabarairu.

An zaɓe shi zuwa Majalisar Dattawa a shekarar 1999 zuwa 2003 kafin daga baya ya yi takarar gwamnan Gombe a 2011, inda ya sha kaye a hannun Ibrahim Hassan Dankwambo.

Za a yi jana’izarsa a Masallacin Ƙasa da ke Abuja da misalin ƙarfe 2:00 na rana.

LEAVE A REPLY

Please enter your comment!
Please enter your name here