Advert
Home Sashen Hausa RIKICIN JAM'IYYAR PDP A KATSINA: AN RUFE KOFAR SULHU ..A...

RIKICIN JAM’IYYAR PDP A KATSINA: AN RUFE KOFAR SULHU ..A kyale kotu ta yi hukunci_

.A kyale kotu ta yi hukunci_

Mu’azu Hassan

@ Katsina City News

Zaman da masu ruwa da tsaki na jam’iyyar PDP suka yi a ranar Lahadin da ta gabata 5/9/2021, ya zartar da rufe duk wata kofar sulhu a kan rikicin da jam’iyyar ke ciki tun bayan zaben shugabannin ta.

Rikicin, wanda wasu da suka kira kansu ‘yan PDP a-gyara suka shigar da kararraki daban-daban a kan shugabannin da aka zaba, kuma har wata kotu da yanke hukuncin da ya ba su gaskiya, amma wadanda aka zaba din suka daukaka kara zuwa Kaduna.

Domin nemo hanyar gyara, shugabannin na PDP da ‘yan PDP a-gyara sun yi wasu tarruka na neman mafita da kuma daidaitawa.

Taron ya kai ga har aka rubuta wasu takardun yarjeneniya da aka ba Editocinta Jaridun nan suka karanta. Abin da kawai ya rage sanya hannu.

A ranar Lahadin da ta gabata 5/9/2021 aka kira taron masu ruwa da tsaki da shugabannin jam’iyya na Jiha, inda aka gabatar masu da matakan da ake ciki na sulhu da ‘yan PDP a-gyara.

Wadanda suke wurin suka ce Shugaban jam’iyyar, Alhaji Salisu Majigiri shi ne wanda ya fara jawabi, inda ya yi maganar ta sulhun da abin da ta kunsa a dukunkune, wanda mutane suka kasa fahimtar inda aka dosa da kuma abin da yake nufi.

Sai da Sanata Yakubu Lado Dan Marke, ya yi bayani filla-filla, sannan aka fara muhawara a kan maganar.

Magoya bayan Sanata Yakubu Lado Dan Marke, suna son a yi sulhu da ‘yan PDP a-gyara kamar yadda wata takarda yarjejeniyar da muka gani ta kunsa.

Su kuma masu goyon bayan shugabannin jam’iyya suna son a bari kotu ta yanke hukunci.

Daga karshe dai rinjayi mutanen Yakubu Lado Dan Marke masu son a yi sulhu a wajen kotu, kamar yadda daya daga wadanda suka halarci zaman ya ba mu labari.

Bayan yanke shawarar a bari kotu ta yi hukunci, shugabannin zaman sun gana Wakilin PDP a-gyara, Alhaji Lawal Rufai Safana, inda suka shaida masa matsayar da aka dauka ta cewa babu maganar zaman sulhu, yanzu a PDP sai dai a bari kotu ta yanke hukunci a kan rikicin da ake ciki. Shi kuma ya ce zai isar da sakon da aka kawo masa ga sauran membobin PDP a-gyara.

Daya daga cikin ‘yan PDP a-gyara, ya tabbatar wa da jaridunmu cewa, za su yi zama su dau matsaya guda a kan lamarin nan gaba kadan.

Katsina City News

@ www.katsinacitynews.com

Jaridar Taskar Labarai

www.jaridartaskarlabarai.com

The Links News

www.thelinksnews.com

07043777779.08137777245

KATSINA CITY NEWShttps://www.katsinacitynews.com
Danjuma Katsina, Dan Jarida, Manazarci, Marubuci, Mamallakin Jaridun KATSINA CITY NEWS, JARIDAR TASKAR LABARAI, THE LINKS NEWS, a karkashin Kamfanin MATASA MEDIA LINKS NIGERIAN LTD

LEAVE A REPLY

Please enter your comment!
Please enter your name here

Must Read

Likitocin ƙwaƙwalwa da dama na barin Nijeriya, Malamin jami’a ya yi gargaɗi

Farfesa ilimin ƙwaƙwalwa, Farfesa Taiwo Sheikh ya ce ɓangaren likitocin ƙwaƙwalwa shi ne ya fi samun naƙasu a ɓangaren ƙarancin likitoci da ke faruwa...

Gwamnatin Kano ta rufe makarantar da a ka binne Hanifah

YANZU-YANZU: Gwamnatin Kano ta rufe makarantar da a ka binne Hanifah Gwamnatin Nijar Kano ta bada umarnin rufe Noble Kids Academy, makarantar kuɗi da ke...

Kwazo Tunani da Hangen nesa yasa mukaga dacewar ya zama Gwamnan jihar Katsina.  -Alliance for Democracy and Purposeful Leadership- ga Sanata Sadiq Yar’Adua

Kwazo Tunani da Hangen nesa yasa mukaga dacewar ya zama Gwamnan jihar Katsina.  -Alliance for Democracy and Purposeful Leadership- ga Sanata Sadiq Yar'Adua A ranar...

Ƴan Bindiga Sun Kai Hari a wani Sansanin Soji dake Shimfiɗa, ƙaramar Hukumar Jibiya ta jihar Katsina

Ƴan Bindiga Sun Kai Hari A Sansanin Soji A Katsina ’Yan bindiga sun kashe wani soja da wani jami’in Rundunar Tsaro ta Sibil Difens (NSCDC)...

PHOTO NEWS: President Muhammadu Buhari(GCFR ),has commissioned the newly remodelled Murtala Muhammad Square

President Muhammadu Buhari(GCFR ),has commissioned the newly remodelled Murtala Muhammad Square. #PMBinKaduna #KadunaUrbanRenewal