Advert
Home RA’AYIN JARIDAR VANGUARD: Wahalar Da Shaikh Zakzaky ya sha

RA’AYIN JARIDAR VANGUARD: Wahalar Da Shaikh Zakzaky ya sha

Fassarar Ammar Rajab

Bayan shafe fiye da shekara biyar a hannun sojoji da sauran hukumomin tsaro, jagoran Harkar Musulunci a Nijeriya wadanda aka fi sani da ‘yan Shi’a, Sheikh Ibraheem Zakzaky da matarsa, Zeenatu, sun shaki iskar ‘yanci, bayan da Babbar kotun Kaduna ta wanke su tare da sakin su a hukuncin da Alkali kotun, mai shari’a Gideon Kurada ya yanke.

Ma’auratan sun fito a gurgunce, alama da ke nuni da wahalar da suka sha a yayin da suke hannun gwamnatin Muhammadu Buhari a tsawon fiye da shekaru biyar. Hakan ya biyo bayan kisan kiyashin da sojoji suka yi musu a yayin gabatar da taron su na shekara-shekara, bisa zargin ‘tarewa’ tsohon shugaban rundunar sojin Nijeriya, Tukur Burutai ‘hanya’, wanda hakan ya sanya sojojin suka je har gidan Shaikh Zakzaky daga ranar 12 zuwa 14 ga Disambar 2015, suka kashe mutum 347 da kuma bizne su a ramin bai daya.

An raunata daruruwan mutane. Shehin Malamin ya rasa ‘ya’yansa guda shida. Sojojin sun yi zargin cewa sun kai wa ‘yan shi’ar hari ne saboda sun nemi ‘kashe Burutai’. Shugaban kasa Buhari ya ce ‘yan Shi’ar ne suka takali sojoji da kansu. An kama Zakzaky a ranar 13 ga watan Disambar 2015, inda aka ci gaba da rike shi a hannun hukumar tsaro ta farin kaya, wato DSS har na tsawon shekara biyu da rabi duk da umurnin da kotu ta bayar a sake su. A ranar 15 ga watan Mayun 2018 aka sake gurfanar da su a gaban kotu.

Membobin Harkar Musulunci a Nijeriya sun gabatar da muzaharori ya fi a kirga a Kaduna da Abuja. Matsin da Zakzaky ya fuskanta ya yi iri daya da wanda tsohon mashawarci kan harkokin tsaro, Kanal Sambo Dasuki (mai ritaya) ya fuskanta a hannun gwamnatin. Ci gaba da rike wa a hannun DSS ba tare da gurfanawar domin shari’a ba, rabon da a ga hakan tun zamanin mulkin soja, inda gwamnatin nan ta dawo da wannan salon ga wadanda take yi musu kallon makiyanta ne.

An ci zarafin tsarin mulkin da ya bayar da damar ‘yancin gudanar da rayuwa,’ yanci, shari’ar gaskiya da kuma mutunta Zakzaky da matarsa da membobin Harkar Musulunci. Wannan abin Allah-wadai ne kuma ba a bin yarda bane. Kundin tsarin mulkin mu ya bayar da umurnin gudanar da al’amuran kasarnan ne bisa tsarin mulki. Muna masu kira ga Zakzaky da Harkar Musulunci da su binciki dukkanin hanyoyin da tsarin mulki ya tanada domin neman biyan diyya bisa cin zarafin hakkokin su da aka yi.

Muna kuma yabawa Mai Shari’a Gideon Kurada bisa kiyaye martabar bangaren shari’a da ya yi a matsayin wuri ne na adalci ga ‘yan kasa marasa karfi a kan gwamnatin jihar dake da kayyadadden lokacin mulki. Gami da karawa, Harkar Musulunci da shugabancinta su koyi darasi daga abubuwan da suka faru masu ban tsoro da daga hankali domin gudanar da kansu cikin natsuwa a yayin gudanar da taron Arba’in na tattaki.

Halinsu na toshe hanyoyi da sanya tafiye-tafiye wahala ga sauran masu amfani da hanya ya kasance abin da mutane ke korafi akai. Nijeriya kasa ce da take da al’umma masu addinai da yawa.

Tsarin mulkinmu ya kuma bai wa kowa ‘yancin walwala. Dole ne mu girmama waɗannan don guje wa fushin ‘yan Nijeriya da kuma doka.

KATSINA CITY NEWShttps://www.katsinacitynews.com
Danjuma Katsina, Dan Jarida, Manazarci, Marubuci, Mamallakin Jaridun KATSINA CITY NEWS, JARIDAR TASKAR LABARAI, THE LINKS NEWS, a karkashin Kamfanin MATASA MEDIA LINKS NIGERIAN LTD

LEAVE A REPLY

Please enter your comment!
Please enter your name here

Must Read

French Ambassador meets Zulum, to partner on Agriculture, Education

The French Ambassador to Nigeria, Ambassador Emmanuelle Bultmann said her country plans to partner with Borno State on development of agriculture, education, and the...

Commissioning ceremony of the Central Bank of Nigeria / Rice Farmers Association of Nigeria (RIFAN)

On Tuesday, January 18, 2022, I presided over the official commissioning ceremony of the Central Bank of Nigeria / Rice Farmers Association of Nigeria...

In na ci zabe, WAEC za ta zama kyauta a Najeriya- Tinubu

Asiwaju Bola Ahmad Tinubu, mai neman takarar shugabancin kasa a jami’iyyar APC ya ce idan ya zama shugaban kasa, WAEC za ta zama kyauta...

Plenary proceedings of the House of Representatives for Wednesday, January 19th, 2022

Plenary proceedings of the House of Representatives for Wednesday, January 19th, 2022 The Speaker of the House, Rep. Femi Gbajabiamila presiding. After leading the opening prayer...

You’re Not Updated, PVCs Don’t expire, INEC Tells Tinubu

The Independent National Electoral Commission (INEC) has urged Nigerians to disregard claims by a chieftain of All Progressives Congress (APC) Ahmed Bola Tinubu that...