Advert
Home Sashen Hausa "Muji tsoron Allah! Mu tuba sai Allah ya fitar damu halin da...

“Muji tsoron Allah! Mu tuba sai Allah ya fitar damu halin da muke ciki” Sarkin Katsina a jawabin bayan Idi…

Yadda Aka Gudanar Da Hawan Idin Karamar Sallah A Katsina.

An gudanar Hawan Idin karamar Sallah a jihar Katsina a ranar Litinin din bayan cika Azumi 30 na wannan shekara ta 1443H, hawan da aka shafe shekaru Uku cur ba a yi ba sakamakon annobar cutar Mashako ta ‘Coronavirus’ da kuma matsalar tsaro.

Tawagar Katsina City News ta shaida isowar Sarki da misalin karfe 9:00 na safiya a babban Masallacin Idi na jihar da ke kofar Guga, a kan hanyar zuwa Jibiya, inda kafin isowarsa aka fara gudanar da da jawabi da hudubobi wadda Malam Sirajo Lawal Liman ya gabatar, a yayin da Liman Malam Mustapha ya gabatar da huduba bayan ya jagorancin Sallar Idin.

Tun farko, Malam Sirajo ya fara share fage da yin tunatarwa a kan abubuwan da suka shafi bayar da Zakka, Zaman Lafiya, Tsoron Allah da kuma kyautatawa Makwafta.

Kafin ya sauka, bayan ya iso ya yi zamiya ga gwamnan jihar katsina a farfajiyar Kofar Soro da misalin karfe 1:00 na rana, a jawabinsa, Sarkin Katsina Alhaji Abdulmini Kabir Usman, ya yi wa al’umma jawabi a kan komawa ga Allah da kuma fitar da Zakka da kuma Tallafawa marar karfi.

A yayin gudanar da wannan hawa, sama da hakimai 40 ne suka yi hawa, a yayin da magaddai, dagatai, da sauran Makada da Mawaka ke raka su.

Tururuwar al’ummar jihar katsina ne sika fito kallon wannan Hawa wanda yake kamar bako a gare su, biyo bayan shekarun da aka dauka ba a yi hawan ba.

A tarihin hawan Sallah a Katsina, ana yin hawa biyu ne; Hawan Idi da Hawan Bariki. Hawan Idin da Gwamna ke yo takakkiya zuwa gidan sarki domin yin gaisuwar Sallah, a yayin da hawa na biyu wato hawan Bariki shi kuma ake gudanarwa kwana daya bayan Idi ( wanshekaren salla) inda sarki ke zuwa gidan gwamnatin jiha domin shi ma ya kai wa Gwamna gaisuwar Sallah.

KATSINA CITY NEWShttps://www.katsinacitynews.com
Danjuma Katsina, Dan Jarida, Manazarci, Marubuci, Mamallakin Jaridun KATSINA CITY NEWS, JARIDAR TASKAR LABARAI, THE LINKS NEWS, a karkashin Kamfanin MATASA MEDIA LINKS NIGERIAN LTD

LEAVE A REPLY

Please enter your comment!
Please enter your name here

Must Read

KARYA AKE MA GWAMNA. ……Sakon a zabi wani Dan takara

Muazu hassan  @katsina city news Ana yawo da wani labari cewa, Mai girma gwamnan katsina Alhaji Aminu Bello masari, ya bada umurnin a zabi wani...

Zaben Fitar da Gwani Amanar Katsinawa na Hannunku Daligate: Jobe 2023

Daga Bishir Suleiman @Katsina City News Duk tirka-tirkar da ake na fitar da yantakara a jam'iyya mai mulki ta APC a jihar Katsina, babu zaben...

Soludo Imposes Curfew On Eight Local Government Areas In Anambra State

By Ejike Abana (ABS Government House Correspondent) Governor Soludo has imposed a 6pm to 6am curfew for commercial motorcycle riders, shuttle buses and tricycle riders...

Hukumar KASROTA Zata Fara Aiki Ranar 1 ga Watan Yuni A Katsina.

Daga Auwal Isah An bukaci al'umma jihar Katsina su fahimta, tare da goya ma ayyukan hukumar KASROTA baya. Shugaban kwamitin kafa hukumar Sani Aliyu Danlami ya...
%d bloggers like this: