Home Sashen Hausa MACIJI YA SARI MAHADI SHEHU

MACIJI YA SARI MAHADI SHEHU

Maciji ya sari malam Mahadi Shehu mai fallasa ga Gwamnatin jihar katsina.

MACIJI YA SARI MAHADI SHEHU

Muhammad  Ahmad @jaridar Taskar labarai

Malam Mahadi Shehu kwance a kan gadon Asibiti a Abuja.

Wani maciji Wanda ba a San daga inda ya fito ba , ya sari mahadi shehu sanannen mai zarge zargen nan akan gwamnatin katsina da wasu jami anta.

Lamarin ya faru a ranar litinin 23/11/2020 da yamma, bayan Mahdi shehu ya kai kansa da kansa a hedkwatar yan sanda ta kasa dake Abuja kamar yadda aka yi dashi a ranar lahadin da ta gabata.

A ranar  lahadin 22/11/2020. jami an ƴan sanda sunyi yunkurin kama shi a wani taro da ya halarta a Abuja, amma aka samu fahimtar juna da masu shirya taro  da yan sanda da mahadi akan a kyale shi da nufin ya kai kanshi da kanshi.

A ranar ta litinin 23/11/2020 bayan sun kammala yi masa tambayoyi ance sai ya kebe don ya yi tsarki sai kawai wani maciji ya sare shi. Ɗan Mahdi shehu mai suna Abba suna tare a lokacin shine ya fargar da jami an tsaron dake tare dashi cewa “maciji ya sari mahaifinshi”

Ana ganin haka yan sanda suka yi gaggawan kaishi asibitin kasa dake Abuja inda likitoci suka kawo daukin gaggawa  suka kula da kafar da macijin ya Sareshi.

Mahadi shehu yana cikin hayyacin sa kamar yadda majiya ta tabbatar wa da jaridar nan, har ma yayi waya da wasu mutane gaban wasu ciki harda mai bamu labarin.

A dai dai lokacin rubuta labarin nan .Dan sa Abba  da wasu jami an yan sanda ke kula da mahadi a asibitin kasa da ke Abuja.

________________________________________________

Jaridar taskar labarai jarida ce mai zaman kanta dake bisa yanar gizo a www.taskarlabarai.com da kuma sauran shafukan sada Zumunta. Tanada yan uwa sune The links news dake www.thelinksnews.com da kuma katsina city news dake a www.katsinacitynews.com  duk sako a aiko ga 07043777779

NO COMMENTS

LEAVE A REPLY

Please enter your comment!
Please enter your name here

%d bloggers like this: