Advert
Home Sashen Hausa KU MURKUSHE YAN TA ADDA..inji masari

KU MURKUSHE YAN TA ADDA..inji masari

KU MURKUSHE YAN TA ADDA..inji masari

Daga abdulhadi bawa

Kakkabe ta’addanci ta hanyar murkushe ‘yan ta’adda da samar da dawwamammen zaman lafiya ga al’umma shi ne babban kalubalen da ta tasa a gaba kuma take fatar samun nasara, hadin guiwa da jami’an tsaro.

Gwamna Aminu Bello Masari ya bayyana haka yau, a Abuja, yayin da ya kai ziyarar aiki Hedikwatar rundunar Sojojin sama ta Najeriya. Gwamnan, wanda babban hafsan mayakan Saman Air Marshal isiaka Oladayo Amao ya tarba, ya kara da cewa wannan ziyara ba ita ce ta farko ko ta biyu ba a jerin ziyarorin da ya kawo ma wannan runduna ba, duk domin samar da tsaro ta hanyar dakatar da ayyukan ta’addanci.

Alhaji Aminu Masari ya bayyana wa Air Marshall cewa, wannan matsala ta faro ne da satar shanu da kuma kisan al’umma nan da can, amma a lokacin da Gwamnati ta dauki matakan dakile satar shanu da kuma yin sulhu da wasu daga cikin barayin shanun, sai abin ya canza salo.

Garkuwa da mutane domin amsar kudin fansa da sauran munanan ayyukan dake keta haddi da mutuncin mutane sukayi kamari. Wannan ya sanya Gwamnatin Jiha ta yanke shawarar ba za ta kara zama da wadannan ‘yan ta’adda ba, idan har suna da bukatar a tattauna dasu, to su nemi jami’an tsaro sannan kuma su nemi aminci da sulhu da mutanen da suke cuta mawa ba dare ba rana.

Ya kara da cewa gudummawa ta sauran tallafi da Gwamnatin Jiha take ba jami’an ba za ta daina, za ma ta iya karawa idan har bukatar hakan ta taso, ma damar al’umma za ta zauna lafiya cikin aminci da kwanciyar hankali.

A nashi bangaren, babban hafsan mayakan saman Air Marshall ya yaba wa Gwamnan a kan irin kai kawon da yake domin samar ma al’umma zaman lafiya. Ya kara da cewa suna sane da irin muhimman matakan da Gwamna Masari ya dauka yake kuma kan dauka, musamman yanda ya gitta rayuwar shi, ya cikin dazuzzukan da ‘yan ta’addan suke zaune domin yin sulhu tsakanin su da mutanen karkara, duk kuwa da cewa ‘yan ta’addan sun ci amanar wannan sulhu, ga kuma dauki kala kala da Gwamnatin Jihar take kai ma jami’ an tsaro akai akai.

Air Marshal Amao ya bayyana cewa aikin da rundunar ta fara a garin Katsina na kafa mazauni na dindindin wanda ya hada da gina filin safka da tashin jiragen sama yana ci gaba da tafiya, haka kuma aikin karamar tashar jiragen sama da ake yi a garin Funtua shi ma yana tafiya yadda ya kamata kuma a shirye suke domin tabbatar da an kammala su cikin lokaci domin samun damar kai dauki cikin hanzari.

Ya kuma tabbatar ma Gwamna Masari cewa in sha Allah, nan ba da jimawa ba za su dakile wannan matsala da taki ci taki cinyewa.

KATSINA CITY NEWShttps://www.katsinacitynews.com
Danjuma Katsina, Dan Jarida, Manazarci, Marubuci, Mamallakin Jaridun KATSINA CITY NEWS, JARIDAR TASKAR LABARAI, THE LINKS NEWS, a karkashin Kamfanin MATASA MEDIA LINKS NIGERIAN LTD

LEAVE A REPLY

Please enter your comment!
Please enter your name here

Must Read

Ɗan Namadi Sambo ya nemi a dawo masa da kuɗaɗensa bayan shan kaye a zaɓen fidda-gwani

Adam Namadi, dan tsohon Mataimakin Shugaban Najeriya, Namadi Sambo, ya nemi wakilan zaɓe wato su dawo masa da kuɗin da ya ba su bayan...

ZAƁEN FITAR DA GWANI A KATSINA: Duk wanda yaci Firamare Election Zamu mara masa baya… -Yantakara-

Masu nemqn tsayawa takarar Gwamnan jihar Katsina sunyi wani Zama mai kama da na Sulhu a gidan Gwamnatin Katsina tare da Gwamna Aminu Bello...

BANKIN NIRSAL YA SAMA QA MANOMAN KAYYAMA GINDIN ZAMA A KWARA #GaskiyarLamarinNijeriya

Ko kun san Gwamnatin Shugaba Buhari ta hannun Bankin Bunƙasa Manoma (NIRSAL) ta tallafa wa ƙungiyar manoma ta Kaiama Integrated Agro Geo-Cooporative ta hanyoyi...

“Ni na Sauke Haƙƙin da ya rataya a kaina saura da ku, Kuji tsoron Allah”…..Saƙon Ɗan takarar Gwamna, Sanata Sadiq Yar’Adua ga Delegate.

"Ni na Sauke Haƙƙin da ya rataya a kaina saura da ku, Kuji tsoron Allah".....Saƙon Ɗan takarar Gwamna, Sanata Sadiq Yar'Adua ga Delegate.   Zaharaddeen Ishaq...

Wata Sabuwa: Maryam Abacha Ta Maka Gwamna El-rufa’i A Kotu

Rahotannin da ya ke riskenmu yanzu sun bayyana cewa matar tsohon shugaban kasar Najeriya, Sani Abacha, wato Maryam Abacha ta maka Gwamnatin Jihar Kaduna...
%d bloggers like this: