Home Sashen Hausa KOTU TA BADA UMURNIN LIKA SAMMACI A KOFAR GIDAN MAHADI DA WURAREN...

KOTU TA BADA UMURNIN LIKA SAMMACI A KOFAR GIDAN MAHADI DA WURAREN SANA’ARSA

KOTU TA BADA UMURNIN LIKA SAMMACI A KOFAR GIDAN MAHADI DA WURAREN SANA’ARSA
——————————————–

Babbar Kotun Majistare ta daya dake Katsina ta bada umurnin lika sammanci a gidan Mahadi Shehu da harabar gine-ginen wuraren kasuwancinsa daban daban dake Kaduna.

Babban Majistare Abdu Ladan ya bada umurnin hakan ne a sakamakon ci gaba da guje-gujen da Mahadi Shehu ke yi na kin yarda ya yi tozali da Masinjan da Kotun ta tura gidansa da wuraren sana’o’in shi dake Kaduna domin ya sada shi da sammacin hannu da hannu.

Tun farko Babban Majistaren ya amince da rokon da lauyan dake tsaya ma Gwamnatin Jihar Katsina, Barista Earnest Abunadike ya shigar na neman a dauki mataki na gaba tun da dai jami’an Kotun sun nemi wanda ake tuhumar ruwa jallo ba su gan shi ba.

Haka kuma sai da Kotun ta umurci Masinjan da ya kai sammacin bai ga Mahadin ba, da ya je Babbar Kotu ya cika takardar rantsuwa ta kotu dake tabbatar da cewa, lalle ya je neman Mahadi duk inda ake sa ran ganin sa amma ba a gan shi ba.

Yanzu dai Kotun ta tsaida ranar Talata, 2 ga watan 11 domin ci gaban shari’ar.

Wata majiya kusa da Kotun ta ce a ranar Talatar idan har Mahadi ya kasa bayyana a gabanta to Kotun za ta iya ba da waranti a kamo shi a duk inda yake.

Haka kuma Kotun za ta iya ci gaba da sauraren shari’ar har ta kai ga yanke hukunci kuma hukuncin duk da ta zartas zai hau kansa duk ranar da ya zo hannu.

Gwamnatin Jihar Katsina gurfanar da Mahadi Shehu a gaban kotu ne tana tuhumar sa da yin takardun bogi da kuma tunzura jama’a da su yi ma Gwamnati tawaye.

Wakilinmu ya sheda cewa jami’an Kotu sun lika takardun sammacin masu dauke da bayanin irin tuhumar da ake yi wa Mahadi da kuma ranar da Kotun ke neman sa.
An hango takardun sammancin manne a Dialogue Building dake Titin Sultan, da Dialogue Institute, Ali Akilu da kuma Dialogue Hospital and Pharmacy dake Titin Isa Kaita dukkan su mallakin Dan Nijeriyar nan, dan asalin Jihar Katsina, haifaffen Kofar sauri mai suna Mahadi Shehu.

Advertisement:GREENTIDE AGRO
GREENTIDE AGRO

 

LEAVE A REPLY

Please enter your comment!
Please enter your name here

Must Read

DOGARO DA KAI; wani matashi mai kwalin Digiri da sana’ar Bola a katsina

  Rahotan wani matashi a jihar Katsina da ya kama sana'ar kwankwani ko kuma jari bola Wanda ya yi karatun NCE kuma ya yi Degree...

“Mu Ne Matsalar Kasarmu” – Sheikh Ahmad Tijjani Yusuf Gurumtum Bauchi.

"Mu Ne Matsalar Kasarmu" - Sheikh Ahmad Tijjani Yusuf Gurumtum Bauchi. "...Malam ka dubi yadda kasarmu ta lalace. Idan wani abu ya faru, sai a...

Komutuwa nayi Idan ana dawowa zan roki Allah ya maidoni a matsayin Danfulani

Ko mutuwa nayi Zan roki Allah ya dawo Dani amatsayin dan fulani, mu fulani ba ‘yan ta’adda bane ~Inji Sarkin musilmi Sultan. Mai Alfarma Sarkin...

Ƙungiyar Arewa ta juyama Gumi baya

Yan bindiga: Ƙungiyar Arewa ta juyawa Gumi baya, ta ce ya je ya ƙwaci kansa Daga Yahya Abdullahi Birnin Gwari Kungiyar dattawan arewa ta nesanta kanta...

Sakamakon zaɓe; Nijar ta turniƙe

Yadda hukumomi a Yamai Jamhuriyar Nijar suka tarwatsa masu zanga-zangar adawa da ayyana dan takarar shugaban kasar na jam’iyya mai mulki a matsayin wanda...
%d bloggers like this: