Advert
Home Sashen Hausa Kamuwar Matar Alzakzaky Da Korona: 'Yan Shi'a Sun Gudanar Da Jerin-Gwanon Bai-daya...

Kamuwar Matar Alzakzaky Da Korona: ‘Yan Shi’a Sun Gudanar Da Jerin-Gwanon Bai-daya A Nijeriya.

Kamuwar Matar Alzakzaky Da Korona: ‘Yan Shi’a Sun Gudanar Da Jerin-Gwanon Bai-daya A Nijeriya.

Daga Auwal Isa Musa

Biyo bayan kamuwa da cutar korona da uwar gidan Shaikh Ibraheem Alzakzaky Malama Zeenatu Ibrahim ta yi, ‘yan shi’a mabiya Alzakzaky sun gudanar da Muzahorin bai-daya a fadin Nijeriya.

Jerin-gwanon wanda suka gudanar a Najeriya wanda ya hada da babban birnin tarayya Abuja a ranar juma’ar nan 22 ga janairu 2021, ta nuna yadda ‘yan shi’ar suka hau kan Tituna rike da Hotuna da rubututtuka da rera wakokin nuna takaicinsu kan faruwar lamarin tare da zargin gwamnati da yin ko-in-kula wajen kai su Asibiti har ya kawowa yanzu.

A wata takardar manema labaru da kakakin yada labarai na ‘yan shi’ar Malam Ibrahim Musa ya saki a ranar juma’ar, ta bayyana yadda suke zargi gwamnati na ‘kin kai su Asibiti ta musamman duk da kamuwa da cutar koronar da uwar gidan Malamin nasu ta yi.

“Harkar Musulunci a Najeriya ta damu matuka cewa kwanaki shida bayan kamuwa da muguwar cutar nan ta Korona (covid-19) da Malama Zeenah Ibraheem Zakzaky ta yi, har yanzu ba a kai ta Asibitin musamman na masu fama da irin wannan cutar ba don samun ingantacciyar kula.” Inji Takardar.

“Dukkan mu mun san cewa, ita wannan cuta ta annobar Covid-19 tana bukatar bin ka’idoji da kulawar Likitoci, musamman in aka yi la’akari da cewa Malama Zeenah Ibrahim an hana ta kulawar Likitocin da ya kamace ta saboda matsanancin ciwon jiki da guiwa da ta shafe shekaru biyar tana fama da su. Duk da haka tana gidan kurkuku a yanzu haka, ita ba a kai ta asibiti ba; ba a kuma ba ta kula ta musamman ba.” Sanarwar ta jaddada.

A yayin da yake jawabin a wajen rufe Jerin-gwanon da suka gudanar a jihar Katsina, Shugaban ‘yan uwa Musulmi Almajiran Shaikh Ibraheem Zakzaky a Katsina, Shaikh Yakubu Yahaya ya zargi gwamnati da kitsa kamuwar cutar ga uwar gidan shugaban nasu.

“Laifin gwamnati ne da ta ki bin shawara don su yi abin da ya kamata. Suka hana marar lafiya hakkinsa na neman lafiya. To, in wani abu ya faru, laifin waye?” Malamin ya tambaya.

A ranar Larabar nan 21 ga janairu 2021 dai, dan Shaikh Ibraheem Yaqoub Alzakzaky Sayyid Muhammad ya saki sanarwar kamuwar cutar Korona ga Mahaifiyar tasa Malama Zeenatu Ibrahim wadda take tsare waje guda da mahaifinsa Shaikh Ibraheem Zakzaky a gidan yarin Kaduna, inda ya bayyana cewa mahaifiyar tasa ta kamu da cutar tsawon kwanaki shida da suka gabata a yadda likitocinsu suka tabbatar masa, amma gwamnati na ta rufa-rufa kan lamarin, ta kuma ki daukar matakin da ya dace.

Shaikh Ibraheem Alzakzaky da Matarsa Malama Zeenatu dai suna fama da raunuka a jikinsu tsawon shekaru sakamakon wasu harsasai da suka yi saura a jikinsu biyo bayan harbin da Sojoji suka yi masu tun farmakin da sojoji suka kai gidan Malamin a Disambar 2015, lamarin da ‘yan shi’ar suke yin koke da yin jerin-gwano a kai.

Ya kawowa yanzu gwamnati musamman gwamnatin jihar Kaduna ba ta ce uffan ba kan kamuwar uwar gidan Shaikh Alzakzaky da cutar ta Korona.

KATSINA CITY NEWShttps://www.katsinacitynews.com
Danjuma Katsina, Dan Jarida, Manazarci, Marubuci, Mamallakin Jaridun KATSINA CITY NEWS, JARIDAR TASKAR LABARAI, THE LINKS NEWS, a karkashin Kamfanin MATASA MEDIA LINKS NIGERIAN LTD

LEAVE A REPLY

Please enter your comment!
Please enter your name here

Must Read

Gwamna Masari Ya Nada Talatu Nasir Mamba A Hukumar Gudanarwa Ta CSDP

Gwamnan Jihar Katsina Alhaji Aminu Bello Masari,ya amince da nadin Hajiya Talatu Nasir a matsayin Mamba a Hukumar Gudanarwar Hukumar Kula Da Inganta Rayuwa...

YANZU-YANZU: Darakta-Janar na Inuwar Gwamnonin APC ya ajiye muƙamin sa

Darakta-Janar na Inuwar Gwamnonin APC, Salihu Lukman ya ajiye muƙamin sa. Jaridar Vanguard ta rawaito cewa ajiye muƙamin na sa na da nasaba da rikicin...

THE M.K.O. ABIOLA NATIONAL STADIUM IN ABUJA HAS BEEN SUCCESSFULLY REHABILITATED!

https://www.facebook.com/101788642037662/posts/257296063153585/

RASHIN TSARO: Attajiri Aminu Dantata ya fashe da kuka…

Matsalar Tsaro A Arewacin Najeriya Ta Yi Silar Zubar Da Hawayen Aminu Dantata Yayin Gudanar Da Taro Hamshaƙin ɗan kasuwar nan Alhaji Aminu Alhassan Dantata...

Har yanzu: Gwamna Masari na Alhinin Rasuwars Kwamishinan Kimiyya Rabe Nasir

Gwamna Aminu Bello Masari ya kara bayyana rasuwar Dokta Rabe Nasir a matsayin babban rashi duba da yadda yake da jajircewa tare da sadaukarwa...