Advert
Home Sashen Hausa Isah Ali Pantami ya zabtare kashi hamsin na kuɗin data da ƴan...

Isah Ali Pantami ya zabtare kashi hamsin na kuɗin data da ƴan Najeriya ke amfani dashi

Isa Ibrahim Pantami: Ministan sadarwa ya zaftare farashin Data a Najeriya

PANTAMI

Gwamnatin Najeriya ta sanar da zaftare farashin data da fiye da kashi 50 cikin 100 bayan umarnin da ta bai wa hukumar kula da kamfanonin sadarwar ƙasar ta NCC na fito da matakan aiwatar da hakan a hukumance.

Ministan sadarwa Dakta Isa Ibrahim Pantami, wanda ya sanar da hakan a shafinsa na Twitter ranar Alhamis, ya ce matakin ya yi daidai da umarnin da ya bai wa hukumar ta NCC na bijiro da matakan rage farashin Datar domin sauƙaƙa wa jama’a.

“Yanzu za a riƙa sayar da Data 1GB a kan Naira 487, a maimakon N1000 da aka saba sayarwa a baya,” in ji sanarwar.

“Wannan ya samo asali ne daga wani rahoto da Hukumar Sadarwa ta Najeriya (NCC) ta gabatar ga ministan bayan aiwatar da umarnin,” in ji wani mai taimaka Pantami, Mista Femi Adeluyi.

Kauce wa Twitter, 1

Karshen labarin da aka sa a Twitter, 1

A cewarsa, ministan ya ƙaddamar da wani kwamiti da zummar samar da sauƙi a amfani da Data, da ake sa ran zai ci gaba da aiki har zuwa shekarar 2025.

Shugaban ƙasa Muhammadu Buhari ne ya ƙaddamar da shirin a ranar 19 ga watan Maris na 2020 a Abuja.

Ɗaya daga cikin manufofin shi ne rage farashin Data zuwa Naira 390 daga nan zuwa shekarar 2015.

Ko gwamnati na da damar ɗaukar wannan mataki?

Wasu layukan Najeriya

Masana a ɓangaren sadarwa na ganin cewa gwamnati ba ta da hurumin ƙayyadewa kamfanonin sadarwa a ƙasar farashi, hasalima aikinta shi ne bayar da shawara a kan farashin da take ganin ya kamata a yi amfani da shi.

Wani aiki kuma da ake ganin shi ne ya rataya a wuyar hukumar kula da kamfanonin sadarwa ƙasar shi ne tabbatar da ƴan ƙasar sun samu sadarwa mai kyau, tare da kare haƙƙokinsu da kuma tabbatar da cewa kamfanonin ba su yi wani abu da ya sabawa doka ba.

Idan kuwa hukuma ta samu wani kamfani da yin wani abu da ya saɓawa doka, tana da damar cin tararsa, kamar yadda a shekarun baya-bayan nan gwamnatin Najeriya ta ci tarar kamfanin MTN biliyoyin daloli.

Abin jira a gani shi ne yadda kamfanonin sadarwar Najeriyar za su karɓi wannan al’amari.

KATSINA CITY NEWShttps://www.katsinacitynews.com
Danjuma Katsina, Dan Jarida, Manazarci, Marubuci, Mamallakin Jaridun KATSINA CITY NEWS, JARIDAR TASKAR LABARAI, THE LINKS NEWS, a karkashin Kamfanin MATASA MEDIA LINKS NIGERIAN LTD

LEAVE A REPLY

Please enter your comment!
Please enter your name here

Must Read

Gwamna Masari ya Jinjinama Yan mazan jiya, wajen bikin tunwa dasu a ranar Asabar

Maigirma Gwamna Aminu Bello Masari yayi jinjina ga 'yan mazan jiya da suka sadaukar da rayuwar su domin ganin wannan kasar bata wargaje ta...

AFCON 2021: Nijeriya ta lallasa Sudan 3-1

AFCON 2021: Nijeriya ta lallasa Sudan 3-1 Tawogar Ƙwallon Ƙafar Nijeriya, Super Eagles ta lallasa takwararta ta Sudan da 3-1 a gasar ƙwallon ƙafa ta...

It was mistake electing Buhari as President – NEF

Hakeem Baba-Ahmed, the Director, Publicity and Advocacy, Northern Elders Forum (NEF), has said that it was a big mistake done in the country by...

GOVERNOR AMINU BELLO MASARI ORDERS FOR THE REOPENING OF FILLING STATIONS, CATTLE MARKETS IN KATSINA STATE

PRESS RELEASE GOVERNOR AMINU BELLO MASARI ORDERS FOR THE REOPENING OF FILLING STATIONS, CATTLE MARKETS IN KATSINA STATE -------------------------------------------- His Excellency the Governor of Katsina State Rt....

2023: Tun ina matashi na fara sana’ar siyar da manja a Maiduguri, kasuwanci ba bako na bane -Uzor Kalu

Tsohon Gwamnan Jihar Abia, Sanata Uzor Kalu, ya bayyana yadda ya fara sana’a da yadda ya zama biloniya tun ma kafin a kafa PDP. A...