Advert
Home Sashen Hausa GANAWAR SIRRI TSAKANIN 'YAN MAJALISA DA KANTOMAN RIKO NA APC A JAHAR...

GANAWAR SIRRI TSAKANIN ‘YAN MAJALISA DA KANTOMAN RIKO NA APC A JAHAR KATSINA

GANAWAR SIRRI TSAKANIN ‘YAN MAJALISA DA KANTOMAN RIKO NA APC A JAHAR KATSINA

Suleman Chiroma
@ Jaridar Taskar Labarai

A cikin makon nan ne Kakakin Majalisar dokokin Jihar Katsina, hon tasi u isah maigari ya jagoranci kusan duk ‘yan Majalisar dokokin zuwa gidan Kantoman riko na jam’iyyar APC, Ustaz Shitu S. Shitu, inda suka yi wata ganawar sirri.
Me ya Sanya a gida ba ofis na majalisa ko na gidan gwamnati ba ko ofishin jam iyya shine abin da ake ta cece ku ce duk katsina

A lokacin ganawar, wadda sama da ‘yan Majalisar dokokin Jihar Katsina 20 na ciki, an kulle kofa, an kuma sallami kowa, daga ‘yan Majalisar, sai Kantoman, sai kuma wani mataimakinsa.

Majiyarmu ta tabbatar wa da jaridar nan cewa an dau tsawon lokaci ana ganawar, daga baya aka bude kofa aka fito ‘yan Majalisar suka kama gabansu.

Babban abin da ya daure wa mutane kai shi ne, ‘yan Majalisar Wakilan jama’a a ne, amma sam sun ki bayyana wa al’ummarsu wane sirri aka tattauna.

Lokacin da labarin ya fara yawo, wasu sun tuntubi ‘yan Majalisarsu don jin abin da aka tattauna, amma sun ki fada masu.

Jaridar nan ta samu tabbacin hakan daga Kananan Hukumomi tara. Me ake boyewa ne?

Jaridar nan ta kuma samu tabbacin har zuwa rubuta rahoton nan Kantoman riko na jam’iyyar bai kira taron sauran shugabannin jam’iyyar ba na Jiha da Kananan Hukumomi ya bayyana masu sirrin da aka kulla tsakaninsa da wadancan ‘yan Majalisun ba, duk kuwa da jam’iyya ta ‘ya’yanta ce, kuma ta kowa ce.

Tambayar da ke ta yawo a Katsina ita ce, yaushe ‘yan Majalisun Jihar Wakilan al’umma da aka zaba da Kantoman riko na jam’iyyar na Jihar suka fara tafiyar da Jihar a sirrance ba sa bukatar a san me suka kitsa bayan sun kulle daki?

Da aka rutsa wani Dan Majalisar wata Karamar Hukuma don ya bayyana wa al’ummarsa me aka tattauna. Ya ce sai da aka sa suka rantse ba za su fada wa kowa ba kafin a fara taron, don haka ya halarta. Ya ce abin da aka tattauna su yi hakuri ba za su ji ba don kar rantsuwa ta ci shi.

Wa ya ya fi laifi a tsakaninsu? Wasu na ganin ‘yan Majalisun, don sune Wakilan da aka zaba suka nemi kuri’a suka yi rantsuwa da Alkur’ani.

Binciken jaridar nan ya tabbatar Kantoman rikon jam’iyyar, Ustaz Shitu S. Shitu, wasu na ganin tuntuni aka dawo daga rakiyaarsa, domin shi ne ke amfana da jam’iyyar fiye da kishinta a kan jama’a.

Kazalika shi ne Shugaban jam’iyya da ya samu kudi fiye da kowane da aka taba yi a tarihin Jihar Katsina, kamar yadda binciken da jaridar Taskar Labarai ta taba bugawa ya tabbatar.

Kuma shi ne wanda ke rayuwar Sarakunan Larabawa, amma shugabannin jam’iyyar na Kananan Hukumomi da Mazabu da wasu a Jiha suna rayuwar kyankyason masallaci.

Shi ne wanda Hukumar Kwastam ta dora wa haraji a kan zargin da kwastam suka ce an aikata ba daidai ba, amma Hukumar ana ganin tana daga masa kafa don yana Shugaban jam’iyyar Jihar Shugaban kasa, kamar yadda wata takarda da jaridar Taskar Labarai ta gani ya tabbatar da hakan.

Binciken jaridar nan ya tabbatar Kantoman rikon ya mayar da jam’iyyar jari, kuma garkuwa, fiye da kishinta ko mabiyanta, don haka ko mai ya yi babu mamaki.

Ra’ayoyi da jaridar nan ta samu, shi ne ‘yan Majalisar da suka gana su yi Azumi su karya rantsuwar da suka yi su bayyana wa al’ummar Katsina gaskiyar me suka tattauna a wancan ganawar sirrin, kuma su fadi tsakaninsu da Allah.

Wannan shi ne muryoyin da jaridar Taskar Labarai ta jiyo suna amo.

Jaridar nan ta tuntubi Kakakin jami’iyyar, Abu Gambo Dan Musa ta lambarsa (08037053560), amma hakarmu ba ta cimma ruwa ba. Mun aika masa sakon rubutu, ba amsa.

Mun tuntubi Kantoman rikon na jam’iyyar, Ustaz Shitu S. Shitu ta waya bai dauki kiran ba, mun aika masa sakon rubutu bai mai do amsa ba.
________________________
Jaridar Taskar Labarai na bisa yanar gizo a shafin www.taskarlabarai.com. da sauran shafukan sada zumunta na yanar gizo. Tana da ‘yar’uwa mai suna Katsina City News da ke a www.katsinacitynews.com da kuma The Links News da ke www.thelinksnews.com. Duk wani sako a aika ga 07043777779 ko katsinaoffice@yahoo.com.

KATSINA CITY NEWShttps://www.katsinacitynews.com
Danjuma Katsina, Dan Jarida, Manazarci, Marubuci, Mamallakin Jaridun KATSINA CITY NEWS, JARIDAR TASKAR LABARAI, THE LINKS NEWS, a karkashin Kamfanin MATASA MEDIA LINKS NIGERIAN LTD

LEAVE A REPLY

Please enter your comment!
Please enter your name here

Must Read

YANZU-YANZU: Darakta-Janar na Inuwar Gwamnonin APC ya ajiye muƙamin sa

Darakta-Janar na Inuwar Gwamnonin APC, Salihu Lukman ya ajiye muƙamin sa. Jaridar Vanguard ta rawaito cewa ajiye muƙamin na sa na da nasaba da rikicin...

THE M.K.O. ABIOLA NATIONAL STADIUM IN ABUJA HAS BEEN SUCCESSFULLY REHABILITATED!

https://www.facebook.com/101788642037662/posts/257296063153585/

RASHIN TSARO: Attajiri Aminu Dantata ya fashe da kuka…

Matsalar Tsaro A Arewacin Najeriya Ta Yi Silar Zubar Da Hawayen Aminu Dantata Yayin Gudanar Da Taro Hamshaƙin ɗan kasuwar nan Alhaji Aminu Alhassan Dantata...

Har yanzu: Gwamna Masari na Alhinin Rasuwars Kwamishinan Kimiyya Rabe Nasir

Gwamna Aminu Bello Masari ya kara bayyana rasuwar Dokta Rabe Nasir a matsayin babban rashi duba da yadda yake da jajircewa tare da sadaukarwa...

Katsina lawyer in court over alleged cheating,forgery, impersonation

A Funtua based Company in Katsina state, NAK International Merchant has dragged a Lawyer, Barrister Mahdi Sa'idu to court over alleged cheating, forgery and...