Advert
Home Sashen Hausa Dalilin Da Ya Sa Na Tsunduma Karatun Koyan Daukar Hoto A Wata...

Dalilin Da Ya Sa Na Tsunduma Karatun Koyan Daukar Hoto A Wata Jami’a Dake Kasar Burtaniya, Cewar Nafeesa Abdullahi (Kazar Hausa)

Fitacciyar jarumar Kannywood wanda ta shahara wajen fitowa a finafinai masu daukar hankali da nishadantarwa, Nafeesat Abdullahi ta bayyana cewa a kullum ita tana duba abinda zai amfanar da ita ne a rayuwa kuma hakan da take yi yana haifar mata da daukaka da ci gaba matuka.

Nafeesat ta shahara matuka a farfajiyar Kannywood wanda manazarta farfajiyar ke ganin tana daga cikin fitattun yan wasan da farfajiyar finafinan Hausa ta taba yi.

A hira da tayi da PREMIUM TIMES, jarumar ta bayyana dalilin da ya sa ta rungumi karatun koyon aikin daukan hoto wanda take yin sa a kasar Birtaniya.

” Daukan hotuna na daga cikin sana’a ta kuma ina matukar son daukar hotuna musamman na abubuwan ban sha’awa, abubuwa masu kayatarwa. Wannan shine dalilin da ya sa na rungumi daukan hoto da koyar da shi.

” Sannan kuma dalilin da ya sa ake yi mini ganin jaruma a Kannywood bai wuce maida hankali da na yi a sana’ata ba. Babu siddabaru ko wani abu da ban da ya kaini ga matsayin da nake. Maida hankali ne da kwazo da na saka shine kawai sirri na. Duk abinda na saka a gaba shi nake yi kuma nakan maida hankali ne matuka.

Bayan haka Jaruma Nafeesat ta ce yi karin haske game da matsalolin da farfajiyar Kannywood ta ke ciki ” Wannan ba sabon abu bane, matsaloli a farfajiyar fina-finai sukan bijiro a koda yaushe. Na mu aka sani, su ma sauran haka su kan yi fama da shi, ba a dai sani ne.

” Amma duk halin da aka shiga in shaAllahu za mu fito da karfin mu a Kannywood. Muna ma kokari domin farfajira ita take goya kanta, babu tallafi da take samu daga gwamnati.

Game da wadanda take jindadin fitowa a finafinai tare Nafeesat tace ba ta da wanda ya fi mata duk jarumin da ya iya taka rawa mai kyau a fim tana son taka wasa da shi ko ita a koda yaushe.

Sannan abinda yake birgeni a rayuwa shine idan naga yara kanan na yi mini lale-lale maraba suna farinciki da abinda na ke yi, abin na yi mini dadi matuka, yakan faranta mini rai sosai.

Akarshe ta yi magana kan kamfanin Tpumpy wanda ita jakadiyar Kamfanin ne.

” A dalilin wannan Kamfani, na mallaki kadarori sannan kuma duk shekara suna bani sabuwar mota da kuma kuma albashi a matsayina na jakadiyar Kamfanin.

Majiya: Premium Times Hausa

KATSINA CITY NEWShttps://www.katsinacitynews.com
Danjuma Katsina, Dan Jarida, Manazarci, Marubuci, Mamallakin Jaridun KATSINA CITY NEWS, JARIDAR TASKAR LABARAI, THE LINKS NEWS, a karkashin Kamfanin MATASA MEDIA LINKS NIGERIAN LTD

LEAVE A REPLY

Please enter your comment!
Please enter your name here

Must Read

Biliyan Ɗari shida da Miliyan ɗari biyu da Hamsin, Tallafi daga Gwamnatin Tarayya domin ɓunƙasa Karkara da gandun Daji a jihar Katsina…..

Biliyan Ɗari shida da Miliyan ɗari biyu da Hamsin, Tallafi daga Gwamnatin Tarayya domin ɓunƙasa Karkara da gandun Daji a jihar Katsina..... A ranar Alhamis...

DIRECTOR-GENERAL INAUGURATES NYSC MEGA PRINTING PRESS

NYSC Director-General, Major General Shuaibu lbrahim today inaugurated the NYSC Mega Printing Press in Kaduna. He said the project, which was conceived almost a decade...

Shugaba Buhari Ya Miƙa Ta’aziyyarsa Ga Iyayen Hanifa, Yarinyar Da Aka Kashe A Kano.

Daga Zaharaddeen Gandu Shugaban Najeriya Muhammadu Buhari ya jinjina wa 'yan sandan Jihar Kano game da gano wanda ake zargi da kashe Hanifa Abubakar mai...

REHABILITATION WORK DONE AT THE EKEHUAN ARMY BARRACKS IN BENIN, EDO STATE!

https://www.facebook.com/101788642037662/posts/259649386251586/