Advert
Home Sashen Hausa Christmas 2020: Tsaron rayuka zai ci gaba da zama shika-shikan imanina -...

Christmas 2020: Tsaron rayuka zai ci gaba da zama shika-shikan imanina – Buhari

Christmas 2020: Tsaron rayuka zai ci gaba da zama shika-shikan imanina – Buhari

Muhammadu Buhari

Shugaban Najeriya Muhammadu Buhari ya ce matsalolin tsaron da ƙasar ke fama da su, sun fi ƙarfin ‘yan shawarwarin da ake bazawa a gari a matsayin hanyoyin shawo kansu.

A cikin saƙonsa na taya al’ummar Kirista bikin ranar Kirsimeti yau, Shugaba Buhari ya ce zai ci gaba da bin hanyoyi iri daban-daban wajen rage kaifin matsalolin tsaro.

‘Yan Njaeriya da dama ciki har da majalisun tarayyar ƙasar sun yi ta kiraye-kirayen a aiwatar da sauye-sauye cikin harkokin tsaron Nijeriya ciki har da sallamar manyan hafsoshin tsaro.

Shugaba Buhari dai ya ce jazaman ne al’ummar ƙasar su samu ‘yancin yin rayuwa da kuma zirga-zirga ba tare da wani tarnaƙi ba.

Hakan a cewarsa na da matuƙar muhimmanci, ba kawai wajen tabbatar da kwanciyar hankali da hadin kai ba, har ma ga bunƙasar tattalin arziƙi.

Wannan layi ne

Aƙidun Yesu Almasihu

A cikin saƙon nasa, Buhari ya ce bikin Kirsimeti, lokaci ne na murna da zaman lafiya da kyakkyawan fata da nuna ƙauna da taimakekeniya da kuma ceto.

Kuma waɗannan aƙidu da zuwan Yesu Almasihu ya kawo, su ne ake matuƙar buƙata cikin wannan lokaci da ƙasar ke fama da ƙalubalai iri daban-daban ciki har da ƙaruwar hare-haren ‘yan fashin daji da satar mutane don neman fansa da ‘yan ta-da-ƙayar-baya da karayar tattalin arziƙi da kuma ɓarkewar annobar korona.

Buhari ya ƙara yin kira ga ‘yan Najeriya su ƙara amanna da jajircewar gwamnatinsa da kuma duƙufarta wajen dawo da zaman lafiya da tsaro da kuma ƙaruwar arziƙi ga Najeriya.

Shugaba Buhari ya kuma nanata alƙawarin cewa a ƙarƙashin kulawarsa, gwamnatin Najeriya za ta ci gaba da samar da tallafi da arziƙin da Allah ya hore ga dakarun sojin da sauran hukumomin tsaro a ƙoƙarinsu na tunkarar duk wata barazana.

Ya kuma buƙaci su ƙara himma wajen murƙushe ƙaruwar barazanar tsaro musamman a yankuna arewacin da ma a ɗaukacin ƙasar gaba daya.

Ya ce samar da tsaro ga illahirin ƴan Najeriya zai ci gaba da zama wani shika-shikan imani a gare shi.

A cewarsa, zuciyarsa ba za ta iya nutsuwa ba, idan ya yi watsi da wannan muhimmin nauyi na tsare rayuka da dukiyoyin al’umma.

Shugaban ya ce yakan ji zafi a duk lokacin da aka keta haddin zaman lafiya da tsaro a kowanne sashe na ƙasar.

LEAVE A REPLY

Please enter your comment!
Please enter your name here

Must Read

VICTIMS OF KIDNAPPINGS IN BATSARI REGAIN FREEDOM AFTER 66 DAYS IN CAPTIVITY.

From Misbahu Batsari. Some of the victims of kidnappings were this Friday 23-07-2021 release from captivity in Batsari after spending 66 days in the hands...

Just In: Plane Crash Lands In Kwara, Passengers Evacuated

Many passengers, including some highly placed Nigerians, narrowly escaped death after an aircraft belonging to one of the major airlines crashed upon landing in...

Yar’Adua: I’ll Resist Attempt to Impose Guber Candidate on Katsina Citizens

Francis Sardauna in Katsina A chieftain of the ruling All Progressives Congress (APC) in Katsina State, Senator Abubakar Sadiq Yar’Adua, yesterday vowed to resist any...

Mansurah Isah Ta Yi Allah-ya-isa Kan Mutuwar Auren Ta

DAGA IRO MAMMAN “Allah ka saka min. Allah abin da su ke min ka yi musu, ka yi wa yaran su, iyayen su, ‘yan’uwan su....
%d bloggers like this: