Home Sashen Hausa Atiku ya zargi Buhari da karya masa harkokin kasuwanci

Atiku ya zargi Buhari da karya masa harkokin kasuwanci

Atiku ya zargi Buhari da karya masa harkokin kasuwanci

Buhari da Atiku

Tsohon Mataimakin Shugaban Najeriya Atiku Abubakar ya sayar da hannun jarinsa a kamfanin Integrated Logistics Services Limited (Intels), yana mai zargin gwamnatin Buhari da neman karya kamfanin.

Mai magana da yawun jigon na jam’iyyar adawa ta PDP kuma ɗan takarar shugaban ƙasa a zaɓen 2019, Paul Ibe, shi ne ya bayyana hakan cikin wata sanarwa da ya fitar a yau Litinin.

Ya ce an tilasta wa Atiku ɗaukar matakin ne saboda gwamnatin Shugaba Muhammadu Buhari “ta matsu ta karya kamfanin” tun 2015.

Atiku ya kafa kamfanin na Intels tare da wani ɗan ƙasar Italiya mai suna Gabriele Volpi, wanda yake yi wa kamfanoni ayyuka musamman na man fetur da iskar gas.

“Atiku ya sha sayar da hannun jarinsa na kamfanin Intels a baya amma abin ya yi ƙamari ne daga 2015 saboda burin wannan gwamnatin shi ne ta karya kamfanin da ke samar wa dubban ‘yan Najeriya aiki kawai saboda siyasa,” in ji sanarwar.

“Ya sayar da hannun jarinsa na Intels kuma ya mayar da kuɗinsa wasu ɓangarorin na tattalin arziki domin samun riba da samar da ayyukin yi. Ya kamata a riƙa bambanta siyasa da kasuwanci.”

A shekarar 2010 ne kamfanin ya sanya hannu kan wata yarjejeniya da hukumar kula da gaɓar ruwan Najeriya ta Nigerian Ports Authority (NPA), inda zai riƙa karɓar haraji a madadin hukumar game da wasu daga cikin ayyukanta.

Sai dai a 2017 Ministan Shari’a Abubakar Malami ya ce yarjejeniyar ta saɓa wa doka kuma gwamnati ta soke ta.

Kazalika, an sha zargin kamfanin da ƙin biyan haraji da kuma gaza biyan dala miliyan 48 ga gwamnatin Najeriya.

Social embed from twitter

LEAVE A REPLY

Please enter your comment!
Please enter your name here

Must Read

Amurka za ta fitar da rahoton da ya shafi Yariman Saudiyya kan kisan Jamal Khashoggi-bbc

Amurka za ta fitar da rahoton da ya shafi Yariman Saudiyya kan kisan Jamal Khashoggi-bbc Ana sa ran gwamnatin Biden za ta fitar da wani...

Majalisar Dokokin jihar katsina ta zartar da wa’adin shekara biyar ga wasu jami’an gudanarwa na jami’ar Umaru musa

MAJALISAR DOKOKI TA JIHAR KATSINA TA ZARTAR DA DOKAR WA'ADIN SHEKARA BIYAR TARE DA KARIN SHEKARA DAYA GA WASU MANYAN JAMI'AN GUDANARWAR JAMI'AR UMARU...

HISTORICAL PHOTO NEWS-by MT safana; AN ACCOUNT OF THE BRITISH OCCUPATION OF KATSINA (1903)

HISTORICAL PHOTO NEWS by MT safana AN ACCOUNT OF THE BRITISH OCCUPATION OF KATSINA (1903) "I took the road to Katsina with an escort of sixty...

MUSAN HAUSA; Sunayen Hausawa da ma’anonin su,

*MU SAN HAUSA* *SUNAYEN HAUSAWA DA MA'ANONINSU* *TANKO*: Yaron da aka haifa bayan an haifi mata biyu ko fiye. *KANDE*: Yarinyar da aka haifa bayan an haifi...

TAKARDAR HUKUNCIN KOTU WANDA YA RUSA ZABEN DA AKAYI NA SHGABANCIN JAM IYYAR PDP.

TAKARDAR HUKUNCIN KOTU WANDA YA RUSA ZABEN DA AKAYI NA SHGABANCIN JAM IYYAR PDP. @ Katsina city news Kara ce wadda Abdul aziz lumi ya shigar...
%d bloggers like this: