Advert
Home Sashen Hausa An Dage Dokar Hawa Babura A Jihar Katsina.

An Dage Dokar Hawa Babura A Jihar Katsina.

Daga Auwal Isah. @Katsina City News

Gwamnatin jihar katsina, ta dage dokar nan ta tsagaita zirga-zirga da ababen hawa masu kafa biyu a fadin jihar.

Sanarwar dage dokar wadda jami’in hulda da jama’a na jami’an ‘yan sandan jihar, Gambo Isah ya fitar a yau Juma’a, ta bayyana cewa an dage dokar ne a dalilin zuwan Azumin watan Ramada, watan da ake zirga-zirga da kara yawaita Sallolin Tahajjudi da sauran Ibadodin neman kusanci ga Allah(T)

“Ina mai bada sanarwar dage doka wadda aka sa ta hawa babura a cikin birnin Katsina wadda take farawa daga karfe 10:00 na dare zuwa karfe 6:00 na safe.” In ji shi

“Har ila yau, da dokar da aka sa ta kananan hukumomi masu fuskantar barazana wadda take farawa daga karfe 6:00 na yamma zuwa karfe 6:00 na Asuba (ita ma an janye ta)”

Gambo Isah, ya kara da cewa, “Saboda wata mai albarka da za mu shiga na Ramadana, an dage wannan doka zuwa bayan Azumi.”

“An dage dokar ne domin jama’a su sami dama na zuwa su yi sallar Tarawih, su je wurin Tafsirai da ake gabatarwa na karatun Alkur’ani da Fassara, da kuma Sallolin Tahajjudi.”

Indai ba a manta ba, a ranar 16 ga watan Janairun 2022 ne, gwamnatin jihar ta katsina ta sanya wasu dokoki daga ciki hada hana zirga-zirga da ababen hawa masu kafa biyu a fadin jihar dokar ta rika farawa daga 6:00 na yamma zuwa 6:00 na safe a yunkurinta na yaki da barayi masu garkuwa da mutane wadanda suke fakewa da babura wajen tafka ta’asa, dokar da a baya aka rika sassauta ta har ta dawo daga 10:00 dare zuwa 6:00 na safe.

KATSINA CITY NEWShttps://www.katsinacitynews.com
Danjuma Katsina, Dan Jarida, Manazarci, Marubuci, Mamallakin Jaridun KATSINA CITY NEWS, JARIDAR TASKAR LABARAI, THE LINKS NEWS, a karkashin Kamfanin MATASA MEDIA LINKS NIGERIAN LTD

LEAVE A REPLY

Please enter your comment!
Please enter your name here

Must Read

KARYA AKE MA GWAMNA. ……Sakon a zabi wani Dan takara

Muazu hassan  @katsina city news Ana yawo da wani labari cewa, Mai girma gwamnan katsina Alhaji Aminu Bello masari, ya bada umurnin a zabi wani...

Zaben Fitar da Gwani Amanar Katsinawa na Hannunku Daligate: Jobe 2023

Daga Bishir Suleiman @Katsina City News Duk tirka-tirkar da ake na fitar da yantakara a jam'iyya mai mulki ta APC a jihar Katsina, babu zaben...

Soludo Imposes Curfew On Eight Local Government Areas In Anambra State

By Ejike Abana (ABS Government House Correspondent) Governor Soludo has imposed a 6pm to 6am curfew for commercial motorcycle riders, shuttle buses and tricycle riders...

Hukumar KASROTA Zata Fara Aiki Ranar 1 ga Watan Yuni A Katsina.

Daga Auwal Isah An bukaci al'umma jihar Katsina su fahimta, tare da goya ma ayyukan hukumar KASROTA baya. Shugaban kwamitin kafa hukumar Sani Aliyu Danlami ya...
%d bloggers like this: