Advert
Home Sashen Hausa An Bukaci Jam'iyar APC ta kasa ta ladabtar da Yari da Kabiru...

An Bukaci Jam’iyar APC ta kasa ta ladabtar da Yari da Kabiru Marafa — Abdullahi Shinkafi

Hoto: Sanata Marafa da Tsohon Gwamnan Zamfara Abdul’aziz Yari

Daga Shu’aibu Ibrahim Gusau

Daya daga cikin fitattun ‘yansiyasar jihar Zamfara kuma tsohon dankaran gwamna a jam’iyar APGA, kuma mamba a jam’iyar APC, Alh Abdullahi wamban Shinkafi, ya yi kira ga uwar Jam’iyar su ta APC data hukunta Abdul’aziz Yari da Kabiru Marafa saboda karya dokar da ke cikin kundin tsarin mulkin jam’iyar.

Shinkafi ya yi wannan kiran ne ga manema labarai a Gusau , babban birnin jihar, ya ce hakan ya biyo bayan taron da su Abdul’aziz Yari da Sanata Kabiru Marafa da wasu ‘yayan jam’iyar suka yi a Kaduna , bayan ficewar gwamna Bello Mohammed Matawalle da magoya bayansa daga jam’iyar PDP zuwa jam’iyar APC a hukumance a ranar Talata da ya gabata.

Alhaji Sani Abdullahi Shinkafi ya bukaci a kaka bawa tsohon gwamnan jihar Zamfara, Alhaji Abdul’Aziz Yari Abubakar takunkumi mai tsauri saboda sabawa kundin tsarin mulkin jam’iyyar, ya ce dole ne a dauki tsauraran matakai a kan Yari da kabiru Marafa .

Ya bayyana taron da Yari da Kabiru da magoya bayansu suka yi a Kaduna inda suka yi tir da umarnin shugabannin jam’iyyar na kasa kan rusa shugabannin jam’iyyar a dukkan matakai a jihar da cewa cin fuska ne ga Shugaba Muhammadu Buhari da dukkanin shugabannin jam’iyyar na kasa.

Ya kara da cewa aiyukan da Abdul’Aziz Yari da Sanata Kabiru Marafa suka yi karara sun karya doka ta 21 (a), (iii) da (iv) na Kundin Tsarin Mulki na Jam’iyyar ( APC ) All Progressives Congress na 2014 kamar yadda aka gyara.

Ya ce “Mataki na 21 na kundin tsarin mulkin APC ya tanadi ikon ladabtar da mambobin jam’iyyar , ya ce “Za a yi amfani da Ikon ne a madadin Jam’iyyar ta kwamitin zartarwa na Jam’iyyar a dukkan matakai.

“Musamman, Mataki na 21 (a) ya tsara cewa” Laifi ne kan ‘ya’yan Jam’iyyar su aikata waɗannan lefuka: i. Keta duk wani tanadi na wannan Kundin Tsarin Mulki. ii. Ayyukan Anti-Party ko duk wani hali, wanda da alama zai kunyata ko ya haifar da illa a cikin jam’iyyar ko kuma kawowa jam’iyyar cikin ƙiyayya da raini da izgili ko rashin mutunci. iii. Rashin biyayya ko sakaci wajen aiwatar da halaye masu kyau na Jam’iyyar .

Shinkafi ya ce Yari da Marafa da magoya bayansu su lura cewa babu wata kungiya da ta fi karfin doka saboda haka umarnin da shugaban jam’iyar riko na kasa, MaiMala Buni ya bayar na rusa shugabannin jam’iyyar na jihar tun daga kananan hukumomi har na jihar da kuma bayyanawa al’umma cewa Gwamna Matawalle a matsayin shugaban APC a Zamfara .

“Tun daga ranar 29 ga watan June 2021, an bai wa gwamna Matawalle mukamin shugaban jam’iyyar APC a jihar ta Zamfara, saboda haka, duk wani matakin da kowane dan jam’iyyar zai dauka ya saba wa kundin tsarin mulkin jam’iyyar.

“Na yi mamakin cewa bayan Yari wanda ya gaya wa duniya cewa zai goyi bayan Matawalle don gina jam’iyyar, yanzu zai iya komawa Kaduna ya sake yin wani taron yana kalubalantar Shugaban jam’iyar na riko Maimala Buni , ya ce yunkurin Yari da Marafa na raba kan APC , saboda haka ya bukaci shugabannin jam’iyyar na kasa da su dauki tsauraran matakai don ceto jam’iyyar daga masifar 2019.

Wambai ya bukaci jami’an tsaro su sanyawa Yari da Marafa da magoya bayansu ido kar su sami damar wargaza babbar jam’iyyarmu, ya ce “Yari da magoya bayan sa su sani cewa a yanzu mu mambobin kungiyar masu kishin kasa ne a APC saboda haka, ba za mu rungume hannu mu kalli wasu fusatattun abubuwa da za su bata jam’iyyar mu ba.

KATSINA CITY NEWShttps://www.katsinacitynews.com
Danjuma Katsina, Dan Jarida, Manazarci, Marubuci, Mamallakin Jaridun KATSINA CITY NEWS, JARIDAR TASKAR LABARAI, THE LINKS NEWS, a karkashin Kamfanin MATASA MEDIA LINKS NIGERIAN LTD

LEAVE A REPLY

Please enter your comment!
Please enter your name here

Must Read

BUHARI HELPING TO KEEP DELTA STATE CLEAN!

#PositiveFactsNG In continuation of its policy of assisting states to strengthen their environmental sanitation programmes, do you know that the Buhari administration has donated some...

https://www.facebook.com/Do-You-Know-NG-101788642037662/ #PositiveFactsNG To ensure a daily smooth flow of gas to some gas-fired power plants so that the public can enjoy steady electricity supply, do you...

RUWAN SHA: Gwamna Masari ya sake bada Umarnin canza wasu clarifies da kudinsu ya kai Miliyan ɗari tara…..domin magance matsalar ruwa.

Majalisar zartaswa ta jiha a karkashin jagorancin Gwamna Aminu Bello Masari ta amince da bada kwangilar chanza na'urorin da suke daidaita kyawun ruwa daga...

Gwamnatin Kaduna ta kori malamai 233

Gwamnatin Jihar Kaduna ta kori malamai 233 sakamakon amfani da shaidar karatu ta bogi a lokacin ɗaukar aiki da jihar ta yi. Shugaban Hukumar Ilimin...

Rashin Tsaro: An umarci limaman masallatan Juma’a da su yi huɗuba kan zaman lafiya a Kano

Yayin da Nijeriya, musamman ɓangaren arewacin ƙasar ke fama da rashin tsaro, wanda ƙungiyoyin ƴan ta'adda ke addabar wasu sassa na yankin, an umarci...