Muazu hassan  @katsina city news

Ana yawo da wani labari cewa, Mai girma gwamnan katsina Alhaji Aminu Bello masari, ya bada umurnin a zabi wani Dan takara cikin yan takara masu neman APC ta tsayar dasu takarar gwamna a zaben 2023.
Wasu sun tabbatar ma jaridun katsina city news cewa, wasu na ta kiran su suna cewa sako daga Mai girma gwamnan katsina,ayi wani Dan takara.
Binciken mu ya tabbatar mana maganar nan KARYA CE kuma BA gaskiya bace.
Mai girma gwamnan katsina,yana nan akan a matsayin shi na dukkanin masu neman takara daga jam iyyar APC daya ne a wajen shi.
Duk Wanda Allah ya bam za a hadu ayi aiki tare zuwa ga Nasara.wannan matsaya, itace ya fada ma shugaban kasa Muhammadu Buhari a haduwar su da sukayi satin da ya gabata kuma shugaban kasa ya bashi cikakkiyar goyon baya.
Wannan matsayar itace ya fada ma dukkanin yan takarar a taron da yayi dasu ranar Talatar da ta gabata.24/5/2022
Kuma itace, ya bayyana a taron masu ruwa da tsaki na jam iyyar APC da akayi a ranar laraba.25/5/2022.
Dukkanin yan takarkarin nan sun aminta da maganar gwamna.kowa ma iya kokarin shi na neman deliget ta hanyar da ta dace.
Sakon wani umurni dake yawo.duk dubarar neman goyon baya ne, irin na siyasa a daren zabe.
Binciken mu ya tabbatar, ba wani sako daga gwamnan katsina a marawa wani Dan takara baya.
Katsina city news
@ www.katsinacitynews.com
Jaridar taskar labarai
@ www.jaridartaskarlabarai.com
The links news
@ www.thelinksnews.com
07043777779.

Daga Bishir Suleiman @Katsina City News

Duk tirka-tirkar da ake na fitar da yantakara a jam’iyya mai mulki ta APC a jihar Katsina, babu zaben da aka kagauta da ji da Gani tamkar zaben fitar da gwani na yantakarar Gwamna da zai gudana a gobe Alhamis 26/5/2022 idan Allah ya kai mu.

Zabe ne da za a iya kira mafi girma da tarihi a jihar katsina, domin kowa ce shiya cikin shiyoyin dan majalissar Dattawa na jihar katsina, an samu zakakurin Dantakarar Gwamna da ya fito, kuma har yau an kasa samu daidaito na janyarwar wasu yantakarar su bar wa wasu, kamar yadda aka gani a sakamakon gayyatar da Gwamna Masari ya yi masu a gidansa, amma yantakarar biyu cikin taran basu samu halarta ba.

Faruk Lawal Jobe na daga cikin wadanda bai samu halarta ba, yana yankinsa don kara neman amincewar masu zaben fitar da gwani.

Al’umma jihar katsina suna ganin akala tafiyar da Katsina, a Jam’iyyar APC a matakin da ake yanzu na a hannun daligate, inda suke kira a gare su da su yi Allah su dubi halin da katsina take ciki, su zabar ma ta Dantakarar masanin jiya da yau da sarrafa taro ya zama naira wanda aka dade ana damawa da shi a cikin gwamnatin nan, tun daga SA har ya zuwa Kwamishina, ya kuma samu shiga aikace-aikace da dama da gwamnatin Katsina ta gudanar, wasu ya jagoranta wasu ya zama memba, kuma da daya fito wa Jam’iyyar tasu ta APC takarar Gwamna daga shiyar Funtua, wato, Alhaji Faruk Lawal Jobe.

Takarar shi ne kadai daga yankin Funtua, duba da cewar shiryar Katsina na da yantakara guda shida ko a cikin karamar hukumar katsina akwai guda uku, Dutsinma, Charanci da Danmusa na da mutum guda guda.

Ita ma shiyar Daura, akwai a karamar hukumar Daura da kuma Kankia. Abin Jira a gani dai Daligate za su duba diyauci ba tare da sun sayar da jam’iyyar ta APC Sun duba yanke da bai da turmotsatun yantakarar Gwamnan.

Fatan mu dai Allah ya Ida nufin Alhaji Faruk Lawal Jobe, 2023.

Daga Auwal Isah

An bukaci al’umma jihar Katsina su fahimta, tare da goya ma ayyukan hukumar KASROTA baya.

Shugaban kwamitin kafa hukumar Sani Aliyu Danlami ya yi wannan kiran a lokacin taron masu ruwa da tsaki da ya gudana a dakin taron sakatariyar jihar Katsina.

Kamar yadda ya bayyana, gwamnan jihar Katsina Aminu Bello Masari shi ne ya kafa kwamitin don ganin ya taimaka wurin kafa hukumar cikin nasara.

Sani Aliyu Danlami da ya samu wakilcin babban sakatare a ofishin sakataren gwamnatin jihar Katsina Sulaiman Isyaku Safana, ya ce kwamitin ya cimma abubuwa da dama tun baya kafa hukumar.

Ya ce kwamitin ya ziyarci sarkin Katsina Alhaji Abdulmummuni Kabir Usman, da sarkin Daura Umar Faruq Umar, da babban jojin jihar Katsina Mai shara’a Musa Danladi Abubakar, da kakakin majalissar dokokin jihar Katsina Tasi’u Musa Maigari, da kuma kafafen yada labarai, da dai sauransu.

Sun kuma kai ziyara makwabtan jihohin Katsina irinsu su Kaduna, Kano da kuma Bauchi don kara samu ilimin da za a yi amfani da shi wurin kankamar hukumar cikin nasara.

Sani Aliyu Danlami ya kara da cewa, nan da zuwa mako daya mai zuwa ne za a yaye jami’an hukumar 100 da aka gama ba horo, wanda gwamnatin jihar Katsina ta dauka aiki a cikin hukumar, inda kuma zasu fara aiki a ranar 1 ga watan Yunin wannan shekarar.

Shugaban kwamitin ya kuma ce, hukumar za ta gudanar da aikin wayar da kan al’umma na wata guda ba tare kama kowa ba don ganin an fahimci juna.

Idan dai za a iya tunawa, gwamnan jihar Aminu Bello Masari ya sanya ma dokar da ta kafa hukumar hannu a ranar 27 ga watan Nuwanbar shekarar 2019.

Kuma hakan na zuwa ne bayan da majalissar dokokin jihar Katsina ta gama aikinta.

A nashi bangaren, shugaban hukumar KASROTAn AIG Danlami Yar’adua mai ritaya, ya yi kira ga masu ababen hawa da su goya ma hukumar baya don ganin ta cimma nasara a fadin jihar Katsina.

Danlami Yar’adua ya kuma yi alkawalin yin aikin ba tare da tsoro ko saurara

Bashir Suleman  @ katsina city news

Dantakar shugabancin kasar nan da ya fito daga jihar Katsina, a Jam’iyyar PRP mai alamar makuli, Dr. Usman Baga, ya yi alkawari kawo sauyi a halin da ake ciki a kasar nan, na rashin tsaro, wanda ya zama alakakai da tarnaki ga tattalin arziki da a Jindadi da walwalar al’ummar katsinar nan.

A zantawar da ya yi da jaridun katsina city news, a wajen taron masu ruwa da tsaki da masu zaben fitar da gwani na Jam’iyyar, a ofishinta dake katsina, Dantakarar ya sha alwashin kawo manufofi ingantattun da za su maganace matsalar tsaro da farfado da tattalin arzikin nan, muddin ya samu damar yi wa Jam’iyyar takara aka kuma zabe shi a babban zabe da za a gudanar a 2023.

Ya kara da cewa Jam’iyyar na da kudurin samar da ingantaccen tsarin kan siyasar kasar nan, ta yadda ake narkar da kudade a wajen harkokin takara.

Dr Bugaje ta ci gaba da cewa dukkan jam’iyyun APC da PDP sun gaza wajen ciyar da kasar nan gaba. Ya yi kira ga al’ummar Nijeriya da su mara wa jam’iyyar PRP baya ta hanyar kafa gwamnati a babban zabe mai zuwa.

Dantakar ya ce, muddin ya aka zabe shi a zaben fitar da gwani na Jam’iyyar, tamkar an samar da ingantacciyar hanya ce ta bunkasa harkokin noma da tattalin arziki da gina al’umma.

Ya kara da cewa a halin da ake ciki yanzu, gwamnati PRP ce ta dace da kasar nan, domin za ta bunkasa hanyoyin samar da kudade ta mayar da hankali kan haraji ba mai kadai ba.

Taron ya samu halartar dukkan Shugabannin Jam’iyyar da masu ruwa da tsaki, na dukkanin fadin jihar katsina, da kuma yantakarar Gwamna guda biyu na jihar katsina.

A daukacin wadanda suka tofa albarkacin bakinsu, sun yi magana ne kan abin da ke damun kasar nan, da kuma yadda za a magance shi ta hanyar kafa gwamnatin PRP, da kuma samar da kyakkyawar makoma ga al’ummar tarayyar Nijeriya.

An gudanar da taron a Ofishin Sakatariya Jam’iyyar dake kan hanyar IBB, Katsina.

Daga Bishir Suleiman @Katsina City News

A cigaba da zaben fitar da gwani na babbar Jam’iyyar adawa ta PDP ke gudanarwa, yanayin na sauya salo ganin yadda wasu yantakarkaru ke shan kaye, a zabukan fitar da gwani.

A jiya ne jam’iyyar ta gudanar da zabukan fitar da gwani na yan takarar majalissar Dattawa, Majiyar jaridun katsina city news ta ruwaito cewar, Dino Malaye na jihar kogi ya sha kaye a yankin mazabarsa, yadda aka jiya yadda Dan tsohon Matamakin Shugaban kasa, na Gwamnatin Jonathan, ya kuka kan yadda deligate suka raina makudan kudaden da kashe masu har da alkwarin karin bayan sun zabe su, amma ya tashi da kuri’a biyu.

A jihar Katsina ma, lissafin na sauyawa ganin tirka-tirka da take wanzuwa a cikin gida na Jam’iyyar, duba da yadda wasu masu jawarcin kujerar Gwamna na Jihar ta katsina, suka ja tunga suka ware abokin jawarcin nasu gefe guda, tun kafin a kai ga karawa a zabukan fitar da gwani na Gwamna da zai gudana a yau.

Amma zaben fitar da gwani da ya wanzu jiya, raba gardama ya raba turka-turkar sasanci da ya kasa samuwa a tsakanin Yantakara majalissar Dattawa, na Jam’iyyar ta PDP a shiryar Katsina, inda Alhaji Aminu Makera ya samu nasara kan abokan karawarsa, Alhaji Hamisu Gambo Danlawal da Dansadau, kamar yadda Ahmad Babba ya lashe zaben sa, a shiryar Daura ba tare da Hamayya ba, a yankin Funtua ma, Dr Garba ne ya tsarewa abokan karawarsa da dumbin kuri’u.

Abin Jira a ganin dai adalcin masu zaben yantakarar, don zabu wa jam’iyyar abokin karawa jajirtacce wanda zai karbu ga jama’a, ba su biye wa abin da ya wanzu Kaduna na iya kudinka iya yawan kuri’unka.